Ana Tua Mote

Te Atua e anga tuua rinanon Mote nakon te bata are Iteraera n onea mwiin te tua ae rietata riki are a tia n aki kawakinna (Otin. 34; ARIT, Otin. 34:1–2; ARIT, TK 10:2 [Abentekiti]). Ana tua Mote kanoana bon tuua, kaetieti, botakin te aro, waakin botaki, ao kanikina aika mwaiti bwa a na kauringia aomata tabeia ao mwiokoaia. E kaairaki iai tuan katei aika riai, aroaro aika riai, tuan te aro, ao tuan te rabwata ao mwakuri—ni ikotaki ma karea (NI 1–7)—ake a kantaningaki bwa a na uringa iai te Atua ao tabeia nakoina (Motiaea 13:30). Te onimaki, te rairannano, te bwabetito n te ran, ao kamaunaan bure bon kanoan te tua, n aron Tuua ake Tebwina ao tuua riki tabeua aika bati ibukin aroaro aika riai ao katei aika riai aika rietata riki ao a kakawaki. Angiin tuan botaki a tia ni koro bukia ni maten ao Mangautin Iesu Kristo, are e katoka te angakarea ni kawawaean te raraa (Aram. 34:13–14). Te tua e kamwakuraki i an te Nakoanibonga ae te Aaron ao bon te euangkerio ni katauraoi ni uotia naake a boutokaia nakon Kristo.