Tatan. Te riaboro bon ana kairiribai te raoiroi ao naake a ukoukora karaoan nanon te Atua. Bon ngaia ni koaua te tamnei ae natin te Atua ao n te tai teuana ngkoa bon te anera ae iai te kariaiakaki irouna i matan te Atua (Itaia 14:12; 2Nib. 2:17). E ngae n anne, e kakaitara n te maiu i mwain te maiu aio ao e kaira nanoia katenimwakon natin te Tama aika tamnei bwa a na kakaitara ma ngaia (R&B 29:36; Mote 4:1–4; Abe. 3:27–28). A teweaki nako mai karawa, ao a aki anganaki aia tai ni karekei rabwataia aika mamate ao n rinanon te maiu n rabwata, ao a na kabuakakaaki n aki totoki. Man te tai are e teweaki nako iai te riaboro mai karawa, e teimatoa ni ukoukora mwamwanakiia mwaane ao aine ni kabane ao ni kariia nako man ana mwakuri te Atua n te aro are e na karaoia aomata ni kabane bwa a na karawawataaki n ai arona (Kaoti. 12:9; 2Nib. 2:27; 9:8–9).
Ana ekaretia te riaboro
Ni kabane botaki aika buakaka ao aika bwain te aonaba aika kabwaoua te euangkerio ae itiaki man kororaoi ao a buakana Ana Tiibu te Teei te Atua.