Bauro

Te Abotoro n te Nu Tetemanti. Aran Bauro n te taetae n Ebera bon Tauro, ao bon aei arana ni karokoa moanakin ana mwakuri ni ibuobuoki nakoia Tientaire. Mai i mwaina e bwainikirina te Ekaretia ma e rairaki nakon ana koaua i mwin nooran Iesu Kristo n te mi ni burabeti. Bauro bon tenua mwananga aika abwabwaki ni mitinare ao e koroi reeta aika mwaiti nakoia Aomata aika Itiaki. Tebwi ma aua reeta aikai a riki bwa mwakoron te Nu Tetemanti ngkai. N tokina e anaki bwa te bure nako Rom ao e tiringaki, te katautau bwa n tain bwebweraken aroka n 65 N.K.

E kataua karebanakin Tetebano, Mwak. 7:57–8:1.
E bwainikirinia Aomata aika Itiaki, Mwak. 8:3.
E mwananga nako Tametoko ngke e kaoti Iesu nakoina, Mwak. 9:1–9.
E bwabetitoaki iroun Anania, Mwak. 9:10–18.
I mwin tikuna i Arabia, e okira Tamateko ni kabwarabwara, Mwak. 9:19–25 (Kara. 1:17).
Teniua te ririki i mwin rairakina, e oki rikaki nako Ierutarem, Mwak. 9:26–30 (Kara. 1:18–19).
Teniua mwanangana ni mitinare, n tataekina te euangkerio ao ni katei mwanga n te Ekaretia ni mwakoron uean Rom aika kakaokoro, Mwak. 13:1–14:26; 15:36–18:22; 18:23–21:15.
Ngke e okira Ierutarem i mwin ana kateniua ni mwakuri ni mitinare, e kabureaki ao e kanakoaki nako Kaitareia, Mwak. 21:7–23:35.
E tiku bwa te bure i Kaitareia i nanon uoua te ririki, Mwak. 24:1–26:32.
E kanakoaki nako Rom bwa e kabowiaki ao e taonaki ni koron te kaibuke i aon kawaina, Mwak. 27:1–28:11.