Unimwaane

Te taeka ae unimwaane e kamanenaki n anga aika kakaoro n te Baibara. N te O Tetemanti e aki toki ni kaineti nakoia mwaane aika kara riki n te baronga, ake n angin te tai a onimakinaki ma waaki n tautaeka (KB 50:7; Iotua 20:4; Ruta 4:2; Mat. 15:2). Aia ririki ni maiu ao aia atatai e karaoa aia taeka n reirei bwa a kakawaki. Nakoaia e aki kainnanoaki iai te wewete n te nakoanibonga.

Bon iai naba unimwaane aika katabuaki nakon te Nakoanibonga ae te Merekitereka ni bongin te O Tetemanti (Otin. 24:9–11). N te Nu Tetemanti, unimwaane a taekinaki bwa te nakoa n te nakoanibonga n te Ekaretia (Iakobo 5:14–15). I buakoia Nibwaite bon iai naba unimwaane aika katabuaki n te nakoanibonga (Aram. 4:7, 16; Moro. 3:1). N te mwioko n tararua aei, Iotebwa Timiti ao Oliver Cowdery bon tenan moan unimwaane ni katabuaki (R&B 20:2–3).

Unimwaane bon te ara are anganaki ni kabane taan taua te Nakoanibonga ae te Merekitereka. Te katoto, mitinare aika mwaane a aranaki bwa unimwaane. Te Abotoro naba bon te unimwaane, ao a bon riai n aranaki n te ara aio kaain te Koram n te Tengaun ma Uoman ke taian Koram n te Itingaun (R&B 20:38; 1Bet. 5:1). Tabeia unimwaane aika katabuaki n te Ekaretia ni boong aikai a tia ni kaotaki ni kaotioti ni boong aika kaitira (R&B 20:38–45; 42:44; 46:2; 107:12).