Te kateniman man Atu n Atua (1Ioan. 5:7 ; R&B 20:28 ). Bon te aomata ae te Tamnei, ae akea rabwatana ae te iriko ao rii (R&B 130:22 ). Te Tamnei are Raoiroi e aki toki n taekinaki bwa te Tamnei, ke Tamnein te Atua.
Te Tamnei are Raoiroi e karaoi nakoa aika bati aika rang ni kakawaki n te babaire ni kamaiu. (1) E kaota koauan te Tama ao te Nati (1Korin. 12:3 ; 3Nib. 28:11 ; Ita 12:41 ). (2) E kaota koauan bwaai ni kabane (Ioane 14:26 ; 16:13 ; Moro. 10:5 ; R&B 39:6 ). (3) E kaitiakiia naake a tia n raira nanoia ao ni bwabetitoaki (Ioane 3:5 ; 3Nib. 27:20 ; Mote 6:64–68 ). (4) Boni ngaia te Tamnei ae Tabu n te Berita (R&B 76:50–53 ; 132:7, 18–19, 26 ).
Mwaakan te Tamnei are Raoiroi e kona n roko nakon te aomata i mwaain te bwabetito ao ni kakoaua bwa te euangkerio e koaua. Ma te inaomata ni karekea ana iraorao te Tamnei are Raoiroi n taai nako, ngkana e tau te aomata, bon te bwaintituaraoi are e kona ni karekeaki ti man te katoka bai iroun are taua te Nakoanibonga ae te Merekitereka i mwin te bwabetito ae kariaiakaki nakon Ana Ekaretia Iesu Kristo ae koaua.
E reirei Iesu bwa bure ni kabane a kona ni kabwaraki ma ti te taetae buaka ni kaitara te Tamnei ae Raoiroi (Mat. 12:31–32 ; Mar. 3:28–29 ; Ruka 12:10 ; Ebera 6:4–8 ; R&B 76:34–35 ).
Abotoro a anganaki te kariaia bwa a na bwabetito n aran te Tama, te Nati, ao te Tamnei are Raoiroi, Mat. 28:19 .
Te Tamnei are Raoiroi E na reireingkami bwaai ni kabane, Ioane 14:26 .
A taetae aomata aika tabu ngke a kairaki iroun te Tamnei are Raoiroi, 2Bet. 1:21 .
Nibwaai e kairaki iroun te Tamnei, 1Nib. 4:6 .
A na kaotaki ana bwai te Atua aika raba nakoia ni mwaakan te Tamnei are Raoiroi, 1Nib. 10:17–19 .
Te Tamnei are Raoiroi e na kaoti nakoim bwaai aika ko riai ni karaoi, 2Nib. 32:5 .
Ni mwaakan te Tamnei are Raoiroi ao kam na kona n atai koauan bwaai ni kabane, Moro. 10:5 .
Te Tamnei are Raoiroi e na tuangko n am iango ao i nanom, R&B 8:2 .
Te Tamnei e kairiri nakon karaoan te raoiroi, R&B 11:12 .
Te Tamnei are Raoiroi, e atai bwaai ni kabane, R&B 35:19 .
Te Tamnei are Raoiroi e reireiniko bwain te abanuea aika rau, R&B 36:2 (R&B 39:6 ).
Ngkana kam aki karekea te tamnei kam na aki anga reirei, R&B 42:14 .
Te Tamnei are Raoiroi e kaota koauan te Tama ao te Nati, R&B 42:17 (1Korin. 12:3 ; 3Nib. 11:32, 35–36 ).
Tabeman a anganaki mai iroun te Tamnei are Raoiroi bwa a na ataia bwa Iesu Kristo bon Natin te Atua, R&B 46:13 .
Bwaai nako are a na taekinna ngkana a kairaki iroun te Tamnei are Raoiroi a na riki bwa koroboki aika tabu, R&B 68:4 .
Te Tamnei are Raoiroi e na nako ni kaota koauan bwaai ni kabane are kam na taekinna, R&B 100:8 .
Te Tamnei are Raoiroi e na riki bwa raom n taai nako, R&B 121:45–46 .