Mote

Te burabeti n te O Tetemanti are e kairiia I-Iteraera man te tautoronaki i Aikubita ao e angania tua ibukin te aro, reitaki n te botanaomata, ao amwarake n aron are a kaotaki iroun te Atua.

Mote e reitinako ana mwakuri ni ibuobuoki riaon are oin ana tai ni maiu n rabwata. Iotebwa Timiti e reirei bwa, n raonaki ma Eria, e roko nakon te Maunga ni Bitaki ao e katokai kiingin te nakoanibonga i aoia Betero, Iakobo, ao Ioane (Mat. 17:3–4; Mar. 9:4–9; Ruka 9:30; R&B 63:21).

E kaoti Mote nakon Iotebwa Timiti ao Oliver Cowdery n Eberi 3, 1836, n te tembora i Kirtland, Ohio, ao e anganiia kiing ibukin ikotakin Iteraera (R&B 110:11).

Kaotioti ni boong aika kaitira e bati ae a taekinaki iai ni kaineti ma Mote. E aki toki n taekinaki n Ana Boki Moomon, ao man Reirei ao Berita aika Tabu ti reiakina taekan ana mwakuri ni ibuobuoki (R&B 84:20–26) ao bwa e karekea te nakoanibonga mai iroun taman buna, ae Ietero (R&B 84:6).

Kaotioti ni boong aika kaitira a kamatoai naba rongorongona n te Baibara ibukin ana mwakuri ni ibuobuoki i buakoia tibun Iteraera ao e manga kakoaua bwa bon ngaia are korei booki ake nimauam are e moanaki iai te O Tetemanti (1Nib. 5:11; Mote 1:40–41).

E kamaiuaki iroun natin Bwarao te aine, Otin. 2:1–10.
E birinako nako Mirian, Otin. 2:11–22.
E kaoti ana anera te Uea nakoia n te buakoako ae ura, Otin. 3:1–15.
E taekini aoraki aika kamamate are a na roko i aoia I-Aikubita, Otin. 7–11.
Te Uea e katea te Toa ae te Riao, Otin. 12:1–30.
E kairiia tibun Iteraera ri nanon Tari ae Uraura, Otin. 14:5–31.
Te Uea e kabwaka te manna n te rereua, Otin. 16.
E orea te bwa i Oreba ao e tinako te ran, Otin. 17:1–7.
Aaron ao Ura a nangoi baina bwa e aonga Iotua n tokanikai i aon Amareki, Otin. 17:8–16.
Ietero e reireinna, Otin. 18:13–26.
E katauraoia te botanaomata ibukin kaotin te Uea i aon te maunga are Tinai, Otin. 19.
Te Uea e kaoti Tuua ake Tebwina nakoina, Otin. 20:1–17.
Ngaia ma itingaun unimwaane a noora te Atua, Otin. 24:9–11.
E urui baaba ni kakoaua ao e urua te kao te teei are te koora, Otin. 32:19–20.
E taetae ma te Atua ni kaaitara, Otin. 33:9–11.

Ana boki Mote

Te boki n te Bwaea ae Bati Bona are kanoana ana rairairi Iotebwa Timiti ae kairaki irou te Tamnei ibukin itiua mwakoro ake mai moa ni Karikani Bwai.

Mwakoro 1 e taua mwiin te mi ni burabeti are e noora iai te Atua Mote, are e kaota nakoina bwaninin te babaire ni kamaiu. Mwakoro 2–5 bon rongorongon Karikani Bwai ao Bwakan te aomata. Mwakoro 6–7 kanoana bon te mi ni burabeti i aon taekan Enoka ao ana mwakuri ni ibuobuoki i aon te aonaba. Mwakoro 8 kanoana bon te mi ni burabeti i aon taekan Noa ao te Ieka are korakora.

Ana boki Mote ake nimaua

Boki ake nimaua mai moa n te O Tetemanti ataaki bwa ana boki Mote. Bwaatua burati ake e anai Nibwaai mai iroun Raban kanoana bon ana boki Mote (1Nib. 5:11).