Aia Tabo n Reirei Burabeti

I Kirtland, Ohio (United States of America), n tain te kamwaitoro n te 1832–1833, te Uea e tuanga Iotebwa Timiti bwa e na katea te reirei ibukin te kantaninga are ana kataneiai taari ni bwaai ni kabane ake a irekereke ma te euangkerio ao uean te Atua. A roko man te tabo n reirei aei taan moan kairiiri n te Ekaretia aika bati. Teuana riki te reirei ibukiia burabeti ke unimwaane ae kairaki iroun Parley P. Pratt n te Aono ae Jackson, Missouri (R&B 97:1–6). A teweaki riki reirei aika ti te arona n te tai ae aki maan i mwin mwanangaia nako Maeao Aomata aika Itiaki ni maeka; e ngae n anne, a waekoa ni katokaki. Reirei n te euangkerio ngkai a karaoaki n te mwenga, aia koram kaain te nakoanibonga, ao botaki n ibuobuoki aika kakaokoro, ao n reirein te Ekaretia ao tieminari ao n taian kiraati n te intitiute.