Te anga nano n aki amwarake ke ni moi are oin bukina bwa ko na kaaniko nakon te Uea ao ni bubutia Ana kakabwaia. Ngkana e aki mamatam temanna ma temanna ao kurubu, a riai naba n tataro bwa a na ata nanon te Atua ao ni karikirakea riki korakoran tamneia. Te aki mamatam e aki toki ni kakaraoaki irouia taan onimaki ni koaua.
N te Ekaretia ngkai, teuana te Tabati ni katoa namwakaina e kaokoroaki ibukin te aki mamatam. I nanon te tai aei, kaain te Ekaretia aki amwarake ao ni moi i nanon maanin taina. Ngkanne a anga nakon te Ekaretia te mwane are a na kabanea i aon amwarake ibukin taai n amwarake akanne. Te mwane aio e aranaki bwa te angabwai n aki mamatam. Te Ekaretia e kamanena te angabwai n aki mamatam ni buokiia kainnano ao ake akea aia bwai.