Bwaara

Atuan taai te mwaane ae moan taromauriaki i Binitia (1Uea 16:31) ma e taromauriaki naba ni waaki aika kakaokoro n taabo aika kaokoro: irouia I-Moaba bwa Bwaara-beore (WI 25:1–3), i Tekem bwa Bwaara-berita (TMT 8:33; 9:4), i Ekiron bwa Bwaara-tebuba (2Uea 1:2). Tao Bwaara titebo ma Bere i Bwaburon ao Tiuti i Erene. Te taeka ae Bwaara e kaota te reitaki i marenan te toka ao ana toro. Te kanikina ae taneiai te aba ibukin Bwaara bon te kao mwaane. Atitoreta bon te atua te aine ae tabangaki n taromauriaki ni kaairaki ma Bwaara.

N taai tabetai e ikotaki Bwaara ma te ara teuana ke te taeka ni kaota te reitaki ma Bwaara, n aron te tabo are e taromauriaki iai ke te aomata ma anua ae titebo ma ake iroun Bwaara. I mwina, ibukina bwa Bwaara e a reke nanona ae rangi ni buakaka, te taeka ae Bosheth e a onea mwiina n aara ake a ikotaki. Bosheth nanona bon “maama.”