Natin te Aomata

Aran te nakoa are e kabongana Iesu Kristo ngkana E taekinna i bon irouna (Ruka 9:22; 21:36). Nanona bon Natin te Aomata ae Tabu. Te Aomata ae Tabu bon teuana mai buakon aran te Atua te Tama. Iesu ngke e aranna i bon iroun bwa Natin te Aomata, bon te katanoata ibukin reitakina n te aro n atua ma te Tama. Aran te nakoa aei e aki toki n oti n te Euangkerio. Kaotioti ni boong aika kaitira a kamatoa kakawakin nanon ao tabun aran te Tia Kamaiu aei (R&B 45:39; 49:6, 22; 58:65; Mote 6:57).