Te aomata ae ataei, te aomata ae tuai n roko n tebwi tabun ana ririki. Taama ao Tiina a na kataneiaia natiia bwa a na ira nanon te Atua. Ataei bon akea aia bure ni karokoa a roko n te roro ni bukinaki (Moro. 8:22 ; R&B 68:27 ).
N akean te bwaka, Atam ao Ewa a na akea natiia, 2Nib. 2:22–23 .
Reireiniia ataei bwa a na nakonako n te koaua ma te iangoraoi, Mot. 4:14–15 .
E na reke te maiu ae akea tokina irouia ataei aika a uarereke, Mot. 15:25 .
Iesu e anaia ataei aika uarereke ao e kakabwaiaia, 3Nib. 17:21 .
A na bane n reiakinaki ami ataei taekan te Uea, ao e na korakora rauiia ami ataei, 3Nib. 22:13 (Itaia 54:13 ).
Ataei aika uarereke aki kainnanoa te rairannano ao te bwabetito, Moro. 8:8–24 .
Ataei aika uarereke a kabooaki mai moani karikan te aonaba rinanon au Rikitemanna, R&B 29:46–47 .
Kaaro a na reiakina tuan ao waaki n te euangkerio nakoia natiia, R&B 68:25, 27–28 .
Ataei aika uarereke a tabu rinanon ana mwakuri ni kamaiu Iesu Kristo, R&B 74:7 .
A tuangaki kaaro bwa a na kaikawaia natiia i nanon te oota ao te koaua, R&B 93:40 .
Ataei ake a mate i mwaina ae a roko n te roro ni bukinaki a bon kamaiuaki n te abanuea ae te tiretio, R&B 137:10 .