Rota

N te O Tetemanti, natin Aran te mwaane ao ai natin Aberaam (KB 11:27, 31; Abe. 2:4). Aran e mate ibukin te rongo i Ura (Abe. 2:1). Rota e kitana Ura ma Aberaam ao Taara ao e mwanga ma ngaiia nako Kanaan (KB 12:4–5). Rota e rineia bwa e na maeka i Totom. Te Uea e kanakoia taan uarongorongo bwa a na kauringa Rota bwa e na birinako mai Totom i mwain ae kamauna te Uea ibukin buakakai aomata (KB 13:8–13; 19:1, 13, 15); e ngae n anne, buun Rota e tanrikaaki n tara kamaunaana ao e riki bwa te boua ae te taoro (KB 19:26). Iai i nanon te Nu Tetemanti taekan Rota (Ruka 17:29; 2Bet. 2:6–7). Maiuna i mwin maenakona mai iroun Aberaam e kabwarabwaraki ni Karikani Bwai 13, 14, ao 19.