Atam bon te tama ao te tamanuea ibukiia te reeti n aomata n te aonaba. Riaoan te tua irouna n te Nne n Aroka are Eten (KB 3; R&B 29:40–42; Mote 4) e karika ae e na “bwaka” ao n riki bwa te rabwata ae mamate, te mwaneka ae kainnanoaki bwa aonga te botanaomata n rikirake i aon te aonaba (2Nib. 2:14–29; Aram. 12:21–26). Ngaia are Atam ao Ewa a riai ni karineaki ibukin nakoaia ni karekea nakoira te kona n rikirake n akea tokina. Atam bon iai ma Ngkoa ao e ataaki naba bwa Mikaera (Tani. 7; R&B 27:11; 107:53–54; 116; 138:38). Bon ngaia mataniwiia anera (R&B 107:54) ao e na manga roko nakon te aonaba bwa tamanuean te utu n aomata (R&B 116).