Te bwai ae riki ke ae rinanona are a matata iai aomata bwa e na riki bwa te bwai ni kakoaua ke kakoauaan te bwai teuana. Te kanikina n angin te tai bon te kakai ae kaotaki mai iroun te Atua. Tatan iai naba mwaakana ni kaoti kanikina i aan aroaro aika onoti. Aomata aika itiaki a riai ni ukoura ana bwaintituaraoi te Tamnei ma aki riai n ukoukouri kanikina ni karaua nanoia ni kan atai bwai ke ni kamatoa te onimaki. Ma, te Uea e na anga kanikina n aron nooran riaina irouna nakoia naake a kakoaua (R&B 58:64).