Korote, Reta nakoia I-

Te boki teuana n te Nu Tetemanti. Oina raoi bon te reta are e koroia te Abotoro ae Bauro nakoia I-Korote i mwin kawarakina iroun Ebwabera, te tia tataekina te euangkerio n te Ekaretia i Korote (Koro. 1:7–8). Ebwabera e tuanga Bauro bwa I-Korote a bwaka nakon te kairua ae kakaiaki—a taku bwa a raoiroi riki nakoia aomata ake tabeman ibukina bwa a kawakin otenanti tabeua ake kona n nooraki karaokiia (Koro. 2:16), a kaakeai mai irouia bwaai tabeua ake e tangiri te rabwata, ao a taromauriia anera (Koro. 2:18). Mwakuri aikai a karika te namakin irouia I-Korote ae a katabuaki. A taku naba bwa a atatai riki ni bwaai aika raba n te aonaba nakoia kaain te Ekaretia ake tabeman. N ana reta, Bauro e kaetiia man reireia bwa te kaboaki e ti reke rinanon Kristo ao ti riai ni wanawana ao ni beku irouna.

Mwakoro 1 bon ana kamauri Bauro nakoia I-Korote. Mwakoro 2–3 bon reirei ao kanoana bon taekan Kristo ngkai te Tia Kabooira, kakamakun taromauri aika kewe, ao kakaawakin te Mangauti. Mwakoro 4 e reirei bwa Aomata aika Itiaki a na kawanawanaia ni bwaai ni kabane.