Rewi

Iakobwa e kakabwaia Rewi ao kanoana (KB 49:5–7, 28). Kanoan Rewi a mwakuri ni ibuobuoki n ana tabo n taromauri Iteraera (WI 1:47–54). Aaron bon tibun Rewi, ao kanoana bon taian ibonga (Otin. 6:16–20; 28:1–4; 29). Tibun Rewi a buokiia ibonga, ae natin Aaron (WI 3:5–10; 1Uea 8:4). A mwakuri n tabetai bwa taan katangitang (1Rong. 15:16; Neem. 11:22); a tiringi karea (2Rong. 29:34; Etira 6:20); ao a ibuobuoki n taai nako n te tembora (Neem. 11:16). Tibun Rewi a katabuaki nakon te beku ibukin te Uea bwa a na kamwakuri otenanti ibukia tibun Iteraera. Tibun Rewi a bon anga ngaiia n onei mwiia tibun Iteraera (WI 8:11–22); ngaia are a riki bwa ana bwai te Atua ae a kaokoro, ae anganaki bwa onean mwiin te moan nati (WI 8:16). A bon aki katabuaki ma a kaitiakaki ibukin nakoaia (WI 8:7–16). Akea abaia ni bwaibwai i Kanaan (WI 18:23–24), ma a karekei kabwianibwai (WI 18:21), abwi ma waniua kaawa (WI 35:6), ao te inaomata n karekei aia anga bwai aomata n tain te baka n amwarake (TK 12:18–19; 14:27–29).