I-Ebera, Reta nakoia

Te boki n te Nu Tetemanti. Bauro e korea te reta aio nakoia Iutaia ake kaain te Ekaretia n anaa nanoia bwa itera aika kakawaki n ana tua Mote a tia ni koro bukia iroun Kristo ao bwa ana tua Kristo n te euangkerio ae rietata riki a tia n onea mwiia. Ngke e oki Bauro nako Ierutarem n tokin ana kateniuua ni mition (uakaan ma 60 N.K.), e kunea bwa a mwaiti Iutaia aika kaain te Ekaretia ake a bon teimatoa ni kawakin ana tua Mote (Mwak. 21:20). Aio e bon kaniia tebwina te ririki i mwin are e tia ni baireaki n ana maungatabu te Ekaretia i Ierutarem bwa iai tabeua otenanti man ana tua Mote ake aikoa kainnanoaki ibukin kamaiuaia tientaire ake Kiritian. N te tai ae aki maan i mwin are koroboki Bauro nakoia I-Ebera ni kaotia nakoia n oin aia koroboki aika tabu ao tera bukina ae riai bwa a na aki manga kabongana ana tua Mote.

Mwakoro 1 ao 2 a kabwarabwara bwa Iesu e kakannato riki nakoia anera. Mwakoro 3–7 a kabotaua Iesu nakon Mote ao nakon ana tua Mote ao ni kakoaua bwa E kakannato riki nakoia ni kauoua. A reirei naba bwa te Nakoanibonga ae te Merekitereka e korakora riki nakon te Aaron. Mwakoro 8–9 e kabwarabwara bwa a kanga ana otenanti Mote ni katauraoia aomata ibukin ana mwakuri ni ibuobuoki Kristo ao aron Kristo ngkai bon te tia raoi ibukin te berita ae bou (Aram. 37:38–45; R&B 84:21–24). Mwakoro 10 bon te kaunganano nakon te botumwaaka ao te kakaonimaki. Mwakoro 11 bon te maroro i aon te onimaki. Mwakoro 12 bon te kauring ao te kamaiuri. Mwakoro 13 e taekina rinen aron te mare ao kakawakin te ongeaba.