Kamaraia

Ni koroboki aika tabu, te kamaraia bon kamwakuran ana tua te Atua are kariaia ke e uota te motikitaeka ao mwiina i aon te bwai, te aomata, ke n angiin te tai aomata ibukin buakakaia. Kamaraia bon kaotan ana tangira ao ana motiraoi te Atua. A kona n tabekaki mai iroun te Atua ke n taekinaki irouia Ana taan mwakuri aika kariaiakaki. N tabetai, bukin raoi kamaraia a ti ataaki iroun te Atua. Irarikin anne, te aro ni maraia e rinanoaki irouia naake bon nanoia n aki ongeaba iroun te Atua ao mai ikanne a kararoaia mai iroun Tamnein te Uea.

Te Uea e kona ni kanakoi kamaraia ibukin ana onimaki temanna ma temanna ke te botanaomata iroun Iesu Kristo ao te ongeaba nakon tua ao otenanti n te euangkerio (Aram. 23:16–18; 3Nib. 2:14–16; TOni. 1:3).

E karekea kain te naeta te Atua ibukina bwa e mwamwanaia Atam ma Ewa, KB 3:13–15 (Mote 4:19–21).
E karekeaki kain aontano ibukin Atam ao Ewa, KB 3:17–19 (Mote 4:23–25).
E kamaraiaki Kain iroun te Uea ibukina bwa e tiringa Abera, KB 4:11–16 (Mote 5:22–41).
Te Uea e kamaraia Kanaan ma ana kariki, KB 9:25–27 (Mote 7:6–8; Abe. 1:21–27).
Iteraera e na kakabwaiaki ngkana e ongeaba nakon te Atua, ao e na maraia ngkana e aki ongeaba, TK 28 (TK 29:18–28).
Keati ma ana kariki a kamaraiaki n reberan Naaman, 2Uea 5:20–27.
Te Uea e kamaraiaia ana botanaomata Iteraera ake ngkoa ibukina bwa aki kabwakai aia kabwianibwai ma angabwai, Maraki 3:6–10.

Ibukina bwa Reimwanaite aki kan ongo iroun te Uea, a kaokoroaki mai matan te Uea ao a kamaraiaki, 2Nib. 5:20–24.
A weteaki ni kabane bwa a na nakon te Atua, 2Nib. 26:33.
Te Uea e na kamaraiaia naake a karaoi mwakuri ni kabekaau, Iakob. 2:31–33.
Nibwaite a na karekea te rekenikai ae korakora riki nakoia Reimwanaite ngkana a aki raira nanoia, Iakob. 3:3–5.
Aomata ake a kakaitara a bon uota te maraia nako aoia, Aram. 3:18–19 (TK 11:26–28).
E kamaraiaki Korioa ibukina bwa e kairiia nako aomata mai iroun te Atua, Aram. 30:43–60.
Te Uea e kamaraia abaia ao kaubwaia Nibwaite ibukin buakakaia ana botanaomata, Erem. 13:22–23 (2Nib. 1:7; Aram. 37:31).
Te Uea e kamaraiaia Iaretaite ake a buakaka, Ita 9:28–35.
Ana Mwakuri ni Kamaiu Kristo e kanakoa kamaraian Atam mai irouia ataei aika uarereke, Moro. 8:8–12.

Taetae ae aki riai

Te kamaraia bon kabonganaan naba taetae aika aki riai, taetaebuaka, ke ni kairiribai.