Te boraraoi i marenan te Atua ma te aomata, ma aki boraoi aia mwakuri n te boraraoi. Te Atua e anga babaire ibukin te berita ae tabu, ao aomata a kariaia bwa a na karaoa are E tuangia bwa a na karaoia. Te Atua ngkanne e berita nakon te aomata taian kakabwaia aika onoti ibukin aia ongeaba.
Tuua ao otenanti a karekeaki n te berita ae tabu. Kaain te Ekaretia ake a karaoi berita aika tabu aikai a berita bwa a na karinei. Te katoto, kaain te Ekaretia a berita ma te Uea n te bwabetito ao a kaboua te berita ae tabu anne man kanakin te toa. A karaoi tabeua riki berita aika tabu n te tembora. Ana aomata te Uea bon aomatan te berita ae tabu ao a korakora kakabwaiakia ngkai a kawakini aia berita aika tabu ma te Uea.