Emanuera

Te ara teuana ibukin Iesu Kristo. E reke man taekan n Ebera are nanona “Te Atua ma ngaira.”

Emanuera bon te ara-n-nakoa ae anga te kanikina ibukin ana kamaiu te Atua (Itaia 7:14). Ana taeka Itaia ae kaineti nakon Emanuera e bon kaotaki raoi iroun Mataio ba te taeka ni burabeti ibukin bungiakin Iesu nakon te maiun n rabwata (Mat. 1:18–25). E oti naba te ara ni koroboki aika tabu ni boong aika kaitira (2Nib. 17:14; 18:8; R&B 128:22).