Bong ae te Tabati

Te bong ae tabu ae kaokoroaki ni katoa wiki ibukin te motirawa ao te nebonebo. I mwin karikan bwaai ni kabane iroun te Atua, E motirawa n te kaitiua ni bong ao e tua bwa teuana te bong ni katoa wiki e na riki bwa te bong ni motirawa ni buokia aomata bwa a na uringnga (Otin. 20:8–11).

I mwain Mangautin Kristo, kaain te Ekaretia a kawakina te kabanea ni bong n te wiki bwa te Tabati, n aron ae a karaoia Iutaia. I mwin te Mangauti, kaain te Ekaretia, ngkana Iutaia ke Tientaire, a kawakina te moan bong n te wiki (ana bong te Uea) ni kauringa Mangautin te Uea. Te Ekaretia ngkai e reitinako ni kawakina teuana te bong ni katoa wiki bwa te bong ae tabu ae te Tabati ike a neboa iai te Atua ao a motirawa man mwakuri n te aonaba.

Te Tabati e kauringia aomata bwa a kainanoa kamwarakean tamneia ao mwiokoaia bwa ana ongeaba nakon te Atua. Ngkana te botanaomata e rikirake n aki tabeakina kawakinan te Tabati, aroaro ni kabane n te maiu a rootaki ao maiuakinan te aro e riki ni mka (Neem. 13:15–18; Iere. 17:21–27).