Berita ae Tabu ae Boou ae Akea Tokina

Bwaninin ana euangkerio Iesu Kristo (R&B 66:2). E boou ni katoa te tai are manga kaotaki iai i mwin tain kitanan te koaua. Bon akea tokina i an te kantaninga are bon ana berita ae tabu te Atua ao a tia ni kimwareirei iai i nanon te mwioko n tararua n te euangkerio ni kabane ike a tia ni kukurei ni butimwaeia aomata. Te berita ae tabu ae boou ae akea tokina e manga kaotaki nakoia aomata i aon te aonaba iroun Iesu Kristo rinanon te Burabeti Iotebwa Timiti. Kanoana bon otenanti aika tabu aika karaoaki n te kariaiakaki n te nakoanibonga—n aron te bwabetito ao te mare n te tembora—are e karekea ibukin te aomata te kamaiuaki, te aki mamate, ao te maiu ae akea tokina. Ngkana a butimwaea te euangkerio aomata ao a berita bwa a na kawakin ana tua te Atua, te Atua berita bwa e na angania te kakabwaia n Ana berita ae tabu ae boou ae akea tokina.