Akea Manena, Kamoamoa Tara naba Kamoamoa; Tangiran bwain te Aonaba Te kewe ke te aki kokoaua; kamoamoa. Akea manena ao kamoamoa a kona naba n nanonaki iai bwa akea kanoana ke ae akea bongana. Ane e tuai kawaerakea nanona nakon te bwai ae akea manena ae e na tei n ana tabo are tabu te Uea, TAre. 24:3–4. Ngkana ko tataro, tai kaokioka mwanewen am tataro ae akea manenana, Mat. 6:7. Te kateitei are bubura man mwamwawa bon nanoia ni kamoamoaia ao aia kainikatonga, 1Nib. 12:18. Kam na kona n teimatoa ni katikui nanomi i aon bwain te aonaba ae akea bonganaia, Aram. 5:53. Tai ukoukora bwain te aonaba ae akea manenaia, bwa ko bon aki kona n uoti ma ngkoe, Aram. 39:14. Te kaibwabwaru ao te aki kakoaua a tia ni uota te Ekaretia nakon te kabuakakaki, R&B 84:54–55. Ngkana ti kataia ni kakoroa bukin nanora ni kan kinaaki, a na bubai karawa, R&B 121:37.