Betaera

N Ebera, nanona bon “ana auti te Atua” ao bon teuana te tabo ae te kabanea n tabu i Iteraera. E mena tao tebwina te maire (tebwi ma onoua te kiromita) i meangin Ierutarem. Ikai are e katea iai ana baonikarea Aberaam n te tai are moan roko iai i Kanaan (KB 12:8; 13:3). Ikai are Iakobwa e noora n te mii ni burabeti te kai n ararake are e waerake nako karawa (KB 28:10–19). Bon te tabo naba ae tabu n ana bong Tamuera (1Tamu. 7:16; 10:3).