Taan Motiki-Taeka, Aia Boki

Te boki n te O Tetemanti. Aia boki Taan Motiki Taeka bon taekaia I-Iteraera man maten Iotua nakon bungiakin Tamuera.

Mwakoro 1–3 bon te kabwarabwara nakon aia boki Taan Motiki Taeka ae bwanin. A kabwarabwara bwa ibukina I-Iteraera aki kakionakoia aia kairiribai (TMT 1:16–35), I-Iteraera a riai n rinanon boon mwina: buan te onimaki, te mare ma naake aki kakoaua, ao taromaurian bouananti. Mwakoro 4–5 e taekini bwaai ake a rinanona Tebora ma Baraka, are e kamaiua Iteraera mai irouia kaain Kanaan. Mwakoro 6–8 bon uotakiraken te onimaki ni bwaai ake e rinanona Kiteon, are e kakabwaiaki iroun te Uea bwa e na kamaiua Iteraera mai irouia tibun Mirian. Ni mwakoro 9–12, a beku bwa taan motiki taeka mwaane aika kakaokoro aika bati i Iteraera i nanon te tai are angia kaain Iteraera a kitana te koaua ao a tautaekanaki irouia taan tautaeka aika ianena. Mwakoro 13–16 e taekina rikiraken ao bwakan te kabanea n tia motiki taeka, ae Tamton. Kabanea ni mwakoro, 17–21, a kona ni kabwarabwaraki bwa bwaai aika koreaki n te abentekiti ake a kaota korakoran ana bure nako Iteraera.