Iotebwa, Natin Iakobwa

N te O Tetemanti, ana moan nati te mwaane Iakobwa ma Rakera (KB 30:22–24; 37:3).

Iotebwa e karekea karinean te moan nati ibukina bwa Reuben, ana moan nati te mwaane Iakobwa ma moan buuna, e kabua tibwangana man riaoan te tua (1Rong. 5:1–2). Ibukina bwa e tau, Iotebwa, ngkai ana moan nati te mwaane Iakobwa ma buuna te kauoman, boni ngaia are i mwina ibukina te kakabwaia. Iotebwa e karekea te kakabwaia mai iroun tamana n te tai ae aki maan i mwain maten Iakobwa (KB 49:22–26).

Iotebwa bon te mwaane ae korakora anuana, te aomata ae “raoiroi arona ao e wanawana” (KB 41:39). Rawana iroun buun Botibwara bon te katooto ibukin te onimaki, te itiaki, ao te etieti i bon irouna (KB 39:7–12). I Aikubita, ngke Iotebwa e kaotia bwa antai ngaia nakoia tarina, e karabwaia ao e aki bukinia ibukin te bwai are a karaoia nakoina. E kakoaua bwa aia mwakuri e buoka kakoroan nanon te Atua (KB 45:4–15).

Kaotioti ni boong aika kaitira a kaota korakoran aia mwakuri ana utu Iotebwa ni boong aika kaitira (ARIT, KB 50:24–38 [Abentekiti]; 2Nib. 3:3–24; 3Nib. 20:25–27).

Iakobwa e tangira riki Iotebwa ao e anganna ana kunnikai ae bati matana, KB 37:3.
Ibukin te bakantang tarin Iotebwa a rikiraki n ribaia ao a iangoia ni kakarabakau bwa a na kamatea, ma n onea mwina a kabonakoa nakoia taan bobwai, ake a mwananga nako Aikubita, KB 37:5–36.
I Aikubita, te Uea e karikirakea aron Iotebwa ao e riki bwa te tia tautaeka n ana auti Botibwara, KB 39:1–4.
Buun Botibwara e kewe, ngke e taku bwa Iotebwa e kani wene ma ngaia; E kairua bukinan Iotebwa ao e karinaki n te umwa ni kaikain, KB 39:7–20.
Iotebwa e kabwara nanon miia ana tia tara uean Bwarao ao te tia umum, KB 40.
Bwarao e a moanna n nano iroun Iotebwa ibukina bwa Iotebwa e tia n raira nanon miin Bwarao; e karika Iotebwa bwa te tia tautaeka i aon Aikubita, KB 41:14–45.
Eberaim ao Manate a bungiaki, KB 41:50–52.
E katiteuanaki Iotebwa ma tamana ao tarina, KB 45–46.
E mate Iotebwa i Aikubita ngke 110 ana ririki, KB 50:22–26.