Te berita ae tabu ke te boraraoi i an te tua i marenan te mwaane ao te aine are e karikia bwa te bu te mwaane ao te bu te aine. Te Atua e bairea te mare (R&B 49:15).
Te berita ae tabu ae boou ae akea tokina n te mare
Te mare ae karaoaki i an tuan te euangkerio ao te nakoanibonga ae tabu bon ibukin te maiu ae mamate ao are akea tokina. Mwaane ao aine aika tau aika a kabaeaki n te mare n te tembora a kona n reitinako bwa te buu te mwaane ao te buu te aine n aki totoki.
Te mare i marenaia aika kaokoro aia aro
Te mare imarenan te mwaane ao te aine aika a kakaokoro aia koaua ma aia waaki.
Te mare ma ae riaon temanna buum
Mareakin te mwaane nakoia uoman ke a mwaiti riki buuna aika maiu. E bon riai i an te tua bwa te mwaane e na ti temanna buuna, ma ti ngkana e tua te Uea bwa e kona n te kaotioti (Iakob. 2:27–30). Man te kaotioti, ao e karaoaki te mare ma ae riaon temanna te bu te aine ni bongin te O Tetemanti ao ni bongin moan kaoakan te Ekaretia n ana kairiri te burabeti are e taui kiingin te nakoanibonga (R&B 132:34–40, 45). E aikoa manga karaoaki n te Ekaretia (KK 1); n te bong aei, ngkana e riaon temanna buum te aina e aikoa kariaiakaki ma kaainakin Ana Ekaretia Iesu Kristo ibukiia Aika Itiaki ni Boong aika Kaitira.