Enoti, Natin Iakobwa
Te Nibwaite ae te burabeti ao te tia tau mwiin rongorongo n Ana Boki Moomon are e tataro ibukin kamaunaan ana bure ao e karekea rinanon ana onimaki iroun Kristo (Enoti 1:1–8). Te Uea e karaoa ana berita ae tabu ma Enoti bwa e na karokoa Ana Boki Moomon nakoia Reimwanaite (Enoti 1:15–17).
Ana boki Enoti
Te boki n Ana Boki Moomon are taekina ana tataro Enoti nakon te Uea ibukin kabwaaran oin ana bure, ibukiia ana botanaomata, ao ibukiia tabeman. Te Uea e berita nakoina bwa Ana Boki Moomon e na kawakinaki ao e na kona n reke nakoia Reimwanaite n te bong teuana n taai aika a na roko. E ngae ngke ti teuana te mwakoro kanoan te boki, e taua mwiin te karaki ae korakora ibukin te mwaane are ukoukora Atuana n te tataro, e maiuakina te ongeaba nakon ana tua te Atua, ao i mwaain matena e kimwareirei n ana atatai ibukin te Tia Kabooira.