Karaoan ana mwakuri te Uea i aon te aonaba. Ana tia mwakuri te Atua aika rineaki a riai ni weteaki iroun te Atua bwa aonga ni mwakuri n Ana mwakuri. Ngkana a karaoa nanon te Uea minita ni koaua, a tei ibukin te Uea n aia beku aika kariaiakaki ao mwakuri bwa Ana tia tei (R&B 64:29), ao a karaoa te mwakuri ae kainnanoaki ibukin kamaiuakia aomata. Te Uea e a tia n anganiia abotoro, burabeti, taan tataekina te euangkerio, ibonga aika rietata, itingaun, unimwaane, bitiobi, ibonga, tia reirei, rikan, taan ibuobuoki, ao tautaeka ibukin kakororaoakiia Aomata Aika Itiaki, ibukin mwakurian te mwakuri (1Korin. 12:12–28; Ebeto 4:11–16; R&B 20; 107).