Itiaki ao Aki Itiaki

N te O Tetemanti, te Uea e kaotia nakon Mote ao I-Iteraera ake ngkoa bwa iai aekan amwarake ake a baireaki bwa a itiaki ke, n taeka tabeua, a tau ni kanaki. Te kaokoroaki are a karaoia I-Iteraera imarenan amwarake aika itiaki ma aika aki itiaki e korakora rootakin iai aia aro ao maiuia te botanaomata. Iai aekan maan, mannikiba ao ika ake a katauaki bwa a itiaki ao a tau ni kanaki, ao ake tabeua a aki itiaki ao a tabuaki ni kanaki (NI 11; TK 14:3–20). Tabeman aomata ake iai aorakia a taraki naba bwa a aki itiaki.

Ni iangoana n te aro n tamnei, te riki n itiaki bon te inaomata man te bure ao te nano n tangira ae bure. N nanona aio te taeka e kabonganaki ni kabwarabwara te aomata ae tamaroa ao iai nanona ae itiaki (TAre. 24:4). Ana botanaomata te Atua n te berita ae tabu a kaman n iai irouia kaetieti aika onoti bwa a na itiaki (3Nib. 20:41; R&B 38:42; 133:5).