Mataio

Ana Abotoro Iesu Kristo ao te tia korea te moan boki n te Nu Tetemanti. Mataio, bon te I-Iutaia are te tia rikoa te angabwai ibukiia I-Rom i Kaberenaum, tao e bon mwakuri ibukin Erote Anetebwati. E kinaaki i mwain ae rairaki bwa Rewi, ae natin Arebaio (Mar. 2:14). N te tai ae aki maan i mwin weteana bwa e na riki bwa ana reirei Iesu, e karaoa te baka n amwarake are e mena iai te Uea (Mat. 9:9–13; Mar. 2:14–17; Ruka 5:27–32). Tao e rababa ana atatai Mataio ni koroboki aika tabu n te O Tetemanti ao e kona n nori kakoroan bukin taian taetae ni burabeti i nanon maiun te Uea. E karako ae ataaki ibukin taekan nikiran maiun te Abotoro aei. Teuana te koaua ae taekinaki bwa e tiringaki ibukin ana koaua.