Mangauti

Ikotakin te rabwata n tamnei ma te rabwata ae te iriko ao ri i mwin te mate. I mwin te mangauti, te tamnei ao te rabwata a na aki manga maenako, ao te aomata e na riki n aki mamate. Aomata ni kabane aika bungiaki i aon te aonaba a na mangauti ibukina bwa Iesu Kristo e tokanikai i aon te mate (1Korin. 15:20–22).

Iesu Kristo bon te moan aomata are e mangauti i aon te aonaba aei (Mwak. 26:23; Koro. 1:18; Kaoti. 1:5). Te Nu Tetemanti e anga bwai ni kakoaua aika mwaiti bwa Iesu E uti ma rabwatana: bon akea kanoan ruanimatena, E kana te ika ao ana karewe te maniberu, iai rabwatana ae te iriko ao ri, E ringaki irouia aomata, ao anera a taekinna bwa E a tia n uti (Mar. 16:1–6; Ruka 24:1–12, 36–43; Ioane 20:1–18). Kaotioti ni boong aika kaitira a kamatoa koauan mangautin Kristo ao aomata ni kabaneia (Aram. 11:40–45; 40; 3Nib. 11:1–17; R&B 76; Mote 7:62).

Aomata ni kabane a na aki mangauti nakon te mimitong ae titebo (1Korin. 15:39–42; R&B 76:89–98), ao a na aki bane ni mangauti n te tai ae ti teuana (1Korin. 15:22–23; Aram. 40:8; R&B 76:64–65, 85; 88:96–102.). A mwaiti Aomata aika Itiaki ake a mangauti i mwin Mangautin Kristo (Mat. 27:52). Ake a raoiroi a na mangauti imwaia ake a buakaka ao a na ira te Moan Mangauti (1Teta. 4:16); taan bure ake aki raira nanoia a na ira te kabanea ni mangauti (Kaoti. 20:5–13; R&B 76:85).