Mwakoro 126
Kaotioti ae kaotaki rinanon Iotebwa Timiti te Burabeti, n ana auti Brigham Young, i Nauvoo, Illinois, n Turai 9, 1841. N te tai aei Brigham Young bon te Beretitenti n te Koram n Abotoro n te Tengaun ma Uoman.
1–3, Brigham Young e kamoamoaaki n ana mwakuri ao e kamotirawaaki man tabena ni mwamwananga n taai aika a na roko nakon taabo nako.
1 Tariu ae kakawaki ao n tatangiraki, Brigham Young, e koaua ae taku te Uea nakoim: Au tia mwakuri ae Brigham, e a aki kainanoaki mai iroum bwa ko na kitania am utu n aron taai ake ngkekei, bwa am anga karea e butimwaeaki irou.
2 I a tia n noori am mwakuri ao am beku ni mwamwananga ibukin arau.
3 Mangaia are I tuangko bwa ko na kanakoa au taeka nakon aaba ake tabeua, ao n tararuaa raoi am utu man te tai aei, ma ngkai ao n aki toki. Amen.