Tasal 126
K’utb’esinb’il na’leb’ k’eeb’il rik’in xtz’uumal re laj Jose Smith li Profeet, sa’ rochoch laj Brigham Young, sa’ Nauvoo, Illinois, 9 Julio 1841. Sa’ li kutan a’an laj Brigham Young kiwan choq’ Awa’b’ej re lix Molameb’ li Kab’laju chi Apostol.
1–3, Laj Brigham Young nak’ehe’ xb’antioxinkil xb’aan lix k’anjel, ut ink’a’ chik nateneb’aman naq taaxik sa’ jalanil tenamit.
1 At was wiitz’in Brigham Young q’axal raaro inb’aan, chi yaal jo’ka’in naxye li Qaawa’ aawe: At inmoos Brigham, ink’a’ chik teneb’anb’il sa’ laa wuq’ xkanab’ankil laa junkab’al jo’ sa’eb’ li kutan ak numenaq, xb’aan naq k’ulub’anb’il laa mayej chiwu.
2 Wilom laa k’anjel ut laa tawajik sa’ li b’eenik choq’ re lin k’ab’a’.
3 Jo’kan naq nakatintaqla naq taataqla li waatin sa’eb’ li najtil na’ajej, ut yalb’ilaq aaq’e chirilb’aleb’ laa junkab’al chirix chik a’in, chalen anajwan ut chi junelik. Amen.