Seksyon yo

Ekriti yo

Doktrin ak Alyans

Kontni
Entwodiksyon ak Kwonoloji
Seksyon yo
Deklarasyon Ofisyèl yo

Seksyon yo

Seksyon 1
1–7, Vwa avètisman an se pou tout pèp; 8–16, Apostazi ak mechanste rive anvan Dezyèm Vini an; 17–23, Joseph Smith resevwa apèl pou l retabli verite ak pouvwa Senyè a sou tè; 24–33, Joseph Smith pibliye Liv Mòmon an e li tabli vrè Legliz la; 34–36, P ap gen lapè sou tè a ankò; 37–39, Sonde kòmandman sa yo.
Seksyon 2
1, Eli gen pou l revele prètriz la; 2–3, Pwomès papa yo plante nan kè pitit yo.
Seksyon 3
1–4, Chemen Senyè a se yon wonn etènèl; 5–15, Joseph Smith dwe repanti oubyen l ap pèdi don pou l tradui a; 16–20, Liv Mòmon an vini pou l sove desandan Leyi yo.
Seksyon 4
1–4, Sèvis vanyan sove sèvitè Senyè a; 5–6, Atribi diven yo kalifye yo pou sèvis la; 7, Yo dwe chèche bagay Bondye yo.
Seksyon 5
1–10, Jenerasyon sa a pral resevwa pawòl Senyè a pa lantremiz Joseph Smith; 11–18, Twa temwen pral temwaye konsènan Liv Mòmon an; 19–20, Pawòl Bondye a pral verifye menm jan avèk nan tan lontan; 21–35, Martin Harris kapab repanti e li kapab vin tounen youn nan temwen yo.
Seksyon 6
1–6, Travayè nan jaden Senyè a yo gen sali; 7–13, Pa gen pi gran don pase don sali a; 14–27, Temwayaj konsènan verite a vini pa mwayen pouvwa Lespri a; 28–37, Gade sou Kris la, epi fè byen tout tan.
Seksyon 7
1–3, Jan Byenneme a ap viv jistan Senyè a vini; 4–8, Pyè, Jak, ak Jan kenbe kle levanjil la.
Seksyon 8
1–5, Revelasyon vini pa mwayen pouvwa Sentespri a; 6–12, Konesans konsènan mistè Bondye yo ak pouvwa pou tradui ansyen rejis vini pa mwayen lafwa.
Seksyon 9
1–6, Gen lòt ansyen rejis ki pou tradui; 7–14, Liv Mòmon an tradui pa mwayen etid epi pa mwayen konfimasyon espirityèl.
Seksyon 10
1–26, Satan soulve moun mechan pou kontrekare travay Senyè a; 27–33, Li chèche detwi nanm lèzòm; 34–52, Levanjil la dwe ale jwenn Lamanit yo ak tout nasyon pa mwayen Liv Mòmon an; 53–63, Senyè a pral tabli Legliz Li a ak levanjil Li a nan mitan lèzòm; 64–70, Li pral rasanble moun ki repanti yo mete nan Legliz Li a epi li pral sove sa ki obeyisan yo.
Seksyon 11
1–6, Travayè nan jaden yo pral gen sali; 7–14, Chèche lasajès, kriye repantans, konfye nan Lespri a; 15–22, respekte kòmandman yo, epi etidye pawòl Senyè a; 23–27, Pa nye lespri revelasyon ak lespri pwofesi; 28–30, Moun yo ki resevwa Kris la, y ap vin tounen pitit Bondye.
Seksyon 12
1–6, Travayè yo ki nan jaden an dwe jwenn sali; 7–9, Tout moun ki vle epi ki kalifye kapab ede nan travay Senyè a.
Seksyon 13
Kle ak pouvwa Prètriz Aawon yo tabli.
Seksyon 14
1–6, Travayè nan jaden yo ap jwenn sali; 7–8, Lavi etènèl se pi gwo nan kado Bondye yo; 9–11, Kris la te kreye syèl yo ak tè a.
Seksyon 15
1–2, Ponyèt Senyè a sou tèt tout tè a; 3–6, Preche levanjil la epi sove nanm moun se bagay ki genyen plis valè.
Seksyon 16
1–2, Ponyèt Senyè a sou tout tè a; 3–6, Preche levanjil la epi sove nanm moun se bagay ki genyen plis valè.
Seksyon 17
1–4, Avèk lafwa, twa temwen yo pral wè plak yo ak lòt materyèl sakre yo; 5–9, Kris la bay temwayaj konsènan divinite Liv Mòmon an.
Seksyon 18
1–5, Ekriti yo montre kòman pou edifye Legliz la; 6–8, Mond lanou pouri nan inikite; 9–16, Nanm moun gen anpil valè; 17–25, Pou lèzòm gen sali, yo dwe pran non Kris la sou tèt yo; 26–36, Yo revele apèl ak misyon Douz; 37–39, Oliver Cowdery ak David Whitmer dwe chèche Douz yo; 40–47, Pou lèzòm kapab gen sali, yo dwe repanti, batize, epi respekte kòmandman yo.
Seksyon 19
1–3, Kris la gen tout pouvwa; 4–5, Tout moun dwe repanti oubyen soufri; 6–12, Pinisyon etènèl se pinisyon Bondye; 13–20, Kris la te soufri pou tout moun, pou yo pa soufri si yo repanti; 21–28, Preche levanjil repantans la; 29–41, Deklare bon nouvèl yo.
Seksyon 20
1–16, Liv Mòmon an pwouve divinite travay dènye-jou a; 17–28, Li konfime doktrin kreyasyon yo, chit la, ekspyasyon an, ak batèm nan; 29–37, Li tabli lwa yo ki gouvène repantans, jistifikasyon, sanktifikasyon, ak batèm; 38–67, Li rezime devwa ansyen yo, prèt yo, enstriktè yo, ak dyak yo; 68–74, Li revele devwa manm yo, benediksyon timoun yo, ak fason pou batèm fèt; 75–84, Li bay priyè sentsèn yo ak règ ki endike fason pou moun vin manm Legliz la.
Seksyon 21
1–3, Joseph Smith te resevwa apèl kòm vwayan, tradiktè, pwofèt, apot, ak ansyen; 4–8, Pawòl li gide kòz Siyon an; 9–12, Sen yo pral kwè nan pawòl li yo lè l pale pa lantremiz Konsolatè a.
Seksyon 22
1, Batèm se yon nouvo alyans etènèl; 2–4, Se yon moun ki gen otorite ki dwe fè batèm.
Seksyon 23
1–7, Premye disip sa yo resevwa apèl pou yo preche, egzòte, epi pou yo fòtifie Legliz la.
Seksyon 24
1–9, Joseph Smith resevwa apèl pou l tradui, preche, epi pou l eksplike ekriti yo; 10–12, Oliver Cowdery resevwa apèl pou l preche levanjil la; 13–19, Yo resevwa lalwa ki revele konsènan mirak, malediksyon, konsènan lè yon moun souke pousyè pye l, ale san bous oubyen san sak.
Seksyon 25
1–6, Emma Smith, yon dam chwazi, te resevwa apèl pou l ede epi pou l rekonfòte mari l; 7–11, Li te resevwa apèl tou pou l ekri, pou l esplike ekriti yo, epi pou l seleksyone kantik yo; 12–14, Chan moun ki jis yo se yon priyè devan Senyè a; 15–16, Prensip obeyisans yo ki nan revelasyon sa a konsènen tout moun.
Seksyon 26
1, Yo resevwa enstriksyon pou yo etidye ekriti yo epi pou yo preche; 2, Lalwa konsantman jeneral la te afime.
Seksyon 27
1–4, Anblèm ki dwe itilize lè moun ap pran sentsèn nan tabli; 5–14, Kris la ak sèvitè L yo ki nan tout dispansasyon dwe pran sentsèn nan; 15–18, Mete tout kiras Bondye a sou nou.
Seksyon 28
1–7, Joseph Smith gen kle mistè yo, e se sèl limenm ki resevwa revelasyon pou Legliz la; 8–10, Oliver Cowdery dwe preche Lamanit yo; 11–16, Satan te twonpe Hiram Page epi li te ba l fo revelasyon.
Seksyon 29
1–8, Kris la rasanble moun Li chwazi yo; 9–11, L ap vin inogire Milenyòm nan; 12–13, Douz yo ap jije tout Izrayèl; 14–21, Siy, fleo, ak dezolasyon pral rive anvan Dezyèm Vini an; 22–28, Dènye rezirèksyon an ak jijman final la vini apre Milenyòm nan; 29–35, Tout bagay yo espirityèl pou Senyè a; 36–39, Yo te chase dyab la ak patizan l yo soti nan syèl la pou yo tante lòm; 40–45, Chit la ak ekspyasyon an pote sali; 46–50, Timoun piti yo rachte pa mwayen ekspyasyon an.
Seksyon 30
1–4, Yo reprimande David Whitmer poutèt li pa t sèvi avèk dilijans; 5–8, Peter Whitmer, pitit la dwe akonpaye Oliver Cowdery nan yon misyon lakay Lamanit yo; 9–11, John Whitmer resevwa apèl pou l preche levanjil la.
Seksyon 31
1–6, Thomas B. Marsh resevwa apèl pou l preche levanjil la epi pou l asire byennèt fanmi l; 7–13, Li resevwa konsèy pou l pasyan, pou l priye tout tan, epi pou l suiv Konsolatè a.
Seksyon 32
1–3, Parley P. Pratt ak Ziba Peterson resevwa apèl pou yo preche Lamanit yo epi pou yo akonpaye Oliver Cowdery ak Peter Whitmer, pitit la; 4–5, Yo dwe priye pou konpreyansyon ekriti yo.
Seksyon 33
1–4, Travayè yo resevwa apèl pou yo deklare levanjil la nan onzyèm èdtan an; 5–6, Legliz la tabli, moun chwazi yo dwe rasanble; 7–10, Repanti, paske wayòm syèl la pre; 11–15, Legliz la bati sou wòk levanjil la; 16–18, Pare pou aparisyon Mesye marye.
Seksyon 34
1–4, Moun ki gen lafwa yo vin tounen pitit Bondye pa mwayen Ekspyasyon an; 5–9, Predikasyon levanjil la prepare chemen an pou Dezyèm Vini; 10–12, Pwofesi vini pa mwayen pouvwa Sentespri a.
Seksyon 35
1–2, Kòman lèzòm kapab devni pitit Bondye; 3–7, Sidney Rigdon resevwa apèl pou l batize moun epi pou l konfere Sentespri a; 8–12, Siy ak mirak akonpli avèk lafwa; 13–16, Sèvitè Senyè a yo pral mache sou nasyon yo avèk pouvwa Lespri a; 17–19, Joseph Smith gen kle mistè yo; 20–21, Moun chwazi yo pral reziste nan jou aparisyon Senyè a; 22–27, Izrayèl pral sove.
Seksyon 36
1–3, Senyè a enpoze men L sou Edward Partridge atravè men Sidney Rigdon; 4–8, Chak gason ki resevwa levanjil la ak prètriz la resevwa apèl pou l ale epi pou l preche.
Seksyon 37
1–4, Sen yo resevwa apèl pou yo rasanble nan Ohio.
Seksyon 38
1–6, Kris la te kreye tout bagay; 7–8, Li nan mitan Sen Li yo, ki pral wè L pwochènman; 9–12, Tout kò fizik kòwonpi devan L; 13–22, Li te rezève yon tè pwomiz pou Sen Li yo nan tan sa a epi nan letènite; 23–27, Sen yo resevwa kòmandman pou yo tounen yon sèl epi pou youn konsidere lòt kòm frè; 28–29, Yo predi lagè; 30–33, Sen yo dwe resevwa pouvwa ki soti anlè epi pou y ale pami tout nasyon yo; 34–42, Legliz la resevwa kòmandman pou yo pran swen pòv yo ak moun ki nan bezwen yo epi pou yo chèche richès letènite yo.
Seksyon 39
1–4, Sen yo gen pouvwa pou yo vin tounen pitit Bondye; 5–6, Lè moun resevwa levanjil la, yo resevwa Kris la; 7–14, James Covel resevwa kòmandman pou l batize epi pou l travay nan jaden Senyè a; 15–21, Sèvitè Senyè a yo dwe preche levanjil la anvan dezyèm aparisyon an; 22–24, Moun ki resevwa levanjil la, yo pral rasanble nan tan sa a epi nan letènite.
Seksyon 40
1–3, Lakrent pèsekisyon yo ak atansyon pou bagay mond lan lakòz moun rejte levanjil la.
Seksyon 41
1–3, Ansyen yo pral gouvène Legliz la avèk lespri revelasyon; 4–6, Vrè disip yo pral resevwa epi yo pral respekte lalwa Senyè a; 7–12, Yo nonmen Edward Partridge kòm yon evèk pou Legliz la.
Seksyon 42
1–10, Ansyen yo resevwa apèl pou yo preche levanjil la, pou yo batize moun ki konvèti yo, epi pou yo bati Legliz la; 11–12, Yo dwe resevwa apèl epi yo dwe òdone yo epi yo dwe ansenye prensip levanjil yo ki nan ekriti yo; 13–17, Yo dwe ansenye epi yo dwe pwofetize avèk pouvwa Lespri a; 18–29, Sen yo resevwa kòmandman pou yo pa touye, pou yo pa manti, pou yo pa anvi, pou yo pa fè adiltè, oubyen pou yo pa pale mal kont lòt moun; 30–39, Lalwa ki gouvène konsekrasyon pwopriyete yo tabli; 40–42, Bondye kondane lògèy ak parès; 43–52, Moun malad yo dwe geri pa mwayen enpozisyon men epi avèk lafwa; 53–60, Ekriti yo gouvène Legliz la epi yo dwe pwoklame devan mond lan; 61–69, Plas Nouvo Jerizalèm nan ak mistè wayòm nan yo pral revele; 70–73, Pwopriyete ki konsakre yo dwe itilize pou sipòte ofisye Legliz yo; 74–93, Lalwa ki gouvène fònikasyon, adiltè, touye moun, vòlè, ak konfesyon peche yo tabli.
Seksyon 43
1–7, Revelasyon ak kòmandman yo vini sèlman pa lantremiz moun ki lonmen an; 8–14, Sen yo sanktifye lè yo aji avèk tout sentete devan Senyè a; 15–22, Yo voye ansyen yo pou yo kriye repantans epi pou yo prepare lèzòm pou gran jou Senyè a; 23–28, Senyè a rele lèzòm avèk pwòp vwa pa Li epi atravè fòs nati a; 29–35, Milenyòm nan pral rive epi Satan pral mare.
Seksyon 44
1–3, Ansyen yo dwe rasanble nan konferans; 4–6, Yo dwe òganize daprè lalwa peyi a epi yo dwe pran swen pòv yo.
Seksyon 45
1–5, Kris la se avoka nou kote Papa a; 6–10, Levanjil la se yon mesaje pou prepare chemen an devan Senyè a; 11–15, Senyè a te resevwa Enòk ak frè l yo pou tèt pa Li; 16–23, Kris la revele siy aparisyon Li a menm jan Li te bay yo sou Mòn Olivye a; 24–38, Levanjil la pral retabli, tan Janti yo pral akonpli, epi yon dezolasyon maladi pral kouvri tè a; 39–47, Siy, mèvèy, ak Rezirèksyon an pral akonpaye Dezyèm Aparisyon an; 48–53, Kris la pral kanpe sou Mòn Olivye a, epi Juif yo pral wè mak ki nan men Li ak pye Li yo; 54–59, Senyè a pral renye pandan Milenyòm nan; 60–62, Pwofèt la resevwa enstriksyon pou l kòmanse tradiksyon Nouvo Testaman an, kote Bondye pral fè nou konnen enfòmasyon ki enpòtan; 63–75, Sen yo resevwa kòmandman pou yo rasanble epi pou yo bati Nouvo Jerizalèm nan, kote moun pral soti nan tout nasyon pou vini.
Seksyon 46
1–2, Ansyen yo dwe dirije reyinyon yo jan Sentespri a gide yo; 3–6, Yo pa dwe refize moun k ap chèche verite sensèman nan sèvis sentsèn yo; 7–12, Mande Bondye epi chèche don Lespri yo; 13–26, Yo site kèk nan don Lespri yo; 27–33, Dirijan Legliz yo resevwa pouvwa pou yo konnen don Lespri yo.
Seksyon 47
1–4, Yo chwazi John Whitmer pou l redije istwa Legliz la epi pou l ekri pou Pwofèt la.
Seksyon 48
1–3, Sen nan Ohio yo dwe pataje tè yo avèk frè yo; 4–6, Sen yo dwe achte tè, bati yon vil, epi suiv konsèy ofisye k ap prezide yo.
Seksyon 49
1–7, Moun p ap konnen jou ak lè aparisyon Kris la jistan L vini; 8–14, Lèzòm dwe repanti, kwè nan levanjil la, epi obeyi òdonans yo pou yo gen sali; 15–16, Se Bondye ki òdone maryaj; 17–21, Bondye apwouve pou moun manje vyann; 22–28, Siyon pral pwospere epi Lamanit yo pral fleri tankou yon flè woz anvan Dezyèm Aparisyon an.
Seksyon 50
1–5, Anpil fo lespri gaye sou tè a; 6–9, Malè pou ipokrit yo ak moun ki retranche nan Legliz la; 10–14, Ansyen yo dwe preche levanjil la avèk Lespri a; 15–22, Lespri a dwe klere ni predikatè yo ni moun k ap koute yo; 23–25, Yon bagay ki pa edifye moun pa soti nan Bondye; 26–28, Moun ki fidèl yo posede tout bagay; 29–36, Bondye reponn priyè moun ki pirifye yo; 37–46, Kris la se Bon Bèje a ak Wòch Izrayèl la.
Seksyon 51
1–8, Yo lonmen Edward Partridge pou regilarize entandans ak pwopriyete yo; 9–12, Sen yo dwe fè tranzaksyon ki onèt epi moun dwe trete yo menm jan an; 13–15, Yo dwe gen yon magazen evèk epi yo dwe òganize pwopriyete yo daprè lalwa Senyè a; 16–20, Ohio dwe tounen yon kote pou rasanbleman tanporè.
Seksyon 52
1–2, Konferans apre a te gen pou l fèt nan Missouri; 3–8, Kèk ansyen te chwazi pou yo kapab vwayaje ansanm; 9–11, Ansyen yo dwe ansenye sa apot yo ak pwofèt yo te ekri; 12–21, Moun Lespri a klere, yo pote fwi louwanj ak lasajès; 22–44, Anpil ansyen te chwazi pou y ale preche levanjil la pandan y ap vwayaje ale nan Missouri pou konferans la.
Seksyon 53
1–3, Apèl ak eleksyon Sidney Gilbert nan Legliz la se pou l òdone kòm yon ansyen; 4–7, Li dwe sèvi kòm yon jeran evèk tou.
Seksyon 54
1–6, Sen yo dwe respekte alyans levanjil la pou yo kapab jwenn mizèrikòd; 7–10, Yo dwe pasyan nan tribilasyon.
Seksyon 55
1–3, William W. Phelps te resevwa apèl epi yo chwazi l pou l batize, pou l òdone kòm ansyen, epi pou l preche levanjil la; 4, Li dwe ekri yon liv pou timoun yo ki nan lekòl Legliz la tou; 5–6, Li dwe vwayaje ale nan Missouri, ki se zòn travay li a.
Seksyon 56
1–2, Sen yo dwe pran kwa yo epi suiv Senyè a pou yo kapab jwenn sali; 3–13, Senyè a kòmande epi l revoke, epi moun ki dezobeyisan yo retranche; 14–17, Malè pou moun rich ki pa vle ede moun pòv yo, epi malè pou moun pòv ki pa gen kè brize yo; 18–20, Moun pòv ki gen kè pwòp yo beni, paske yo pral eritye tè a.
Seksyon 57
1–3, Independence, Missouri, se plas pou Vil Siyon an ak tanp lan; 4–7, Sen yo dwe achte tè epi yo dwe resevwa eritaj nan zòn sa a; 8–16, Sidney Gilbert dwe tabli yon magazen, William W. Phelps dwe vin tounen yon enprimè, epi Oliver Cowdery dwe emprime materyèl pou piblikasyon an.
Seksyon 58
1–5, Moun ki pèsevere nan tribilasyon ap kouwone avèk laglwa; 6–12, Sen yo dwe pare yo pou maryaj Ti Mouton an ak soupe Senyè a; 13–18, Evèk yo se jij nan Izrayèl; 19–23, Sen yo dwe obeyi lalwa peyi a; 24–29, Lèzòm ta dwe itilize lib abit yo pou yo fè byen; 30–33, Senyè a kòmande epi l revoke; 34–43, Pou yo repanti, lèzòm dwe konfese epi abandone peche yo; 44–58, Sen yo dwe achte eritaj yo epi rasanble nan Missouri; 59–65, Levanjil la dwe preche pou chak kreyati.
Seksyon 59
1–4, Sen fidèl nan Siyon yo ap beni; 5–8, Yo dwe renmen Senyè a, yo dwe sèvi L epi yo dwe respekte kòmandman L yo; 9–19, Lè yo sanktifye jou Senyè a, Sen yo beni tanporèlman epi espirityèlman; 20–24, Moun ki jis yo resevwa pwomès lapè nan mond sa a ak lavi etènèl nan mond ki pral vini an.
Seksyon 60
1–9, Ansyen yo dwe preche levanjil la nan asanble mechan yo; 10–14, Yo pa dwe gaspiye tan yo, ni antere talan yo; 15–17, Yo dwe lave pye yo kòm yon temwayaj kont moun ki rejte levanjil la.
Seksyon 61
1–12, Senyè a dekrete anpil destriksyon sou dlo yo; 13–22, Jan te modi dlo yo epi destriktè a sikile sou sifas yo; 23–29, Gen moun ki gen pouvwa pou yo kòmande dlo yo; 30–35, Ansyen yo dwe vwayaje de pa de pou yo preche levanjil la; 36–39, Yo dwe prepare pou vini Pitit Gason Lòm nan.
Seksyon 62
1–3, Temwayaj yo anrejistre nan syèl la; 4–9, Ansyen yo dwe vwayaje pou yo preche daprè jijman yo epi daprè jan Lespri a dirije yo.
Seksyon 63
1–6, Yon jou kòlè pral vini sou mechan yo; 7–12, Siy vini pa mwayen lafwa; 13–19, Moun ki adiltè nan kè yo pral nye lafwa a epi yo pral jete yo nan lak dife a; 20, fidèl yo pral resevwa yon eritaj sou tè a ki pral transfigire; 21, Tout istwa evènman sou Mòn Transfigirasyon an pat ankò revele nèt; 22–23, moun ki obeyisan yo resevwa mistè wayòm nan; 24–31, Moun dwe achte eritaj nan Siyon; 32–35, Senyè a dekrete lagè epi mechan touye mechan; 36–48, Sen yo dwe rasanble nan Siyon epi yo dwe bay lajan pou bati l; 49–54, Benediksyon yo asire pou fidèl yo nan Dezyèm vini an, nan Rezirèksyon an, epi pandan Milenyòm nan; 55–58, Se yon jou avètisman; 59–66, Moun ki itilize non Senyè a san otorite, yo pran l anven.
Seksyon 64
1–11, Sen yo gen kòmandman pou youn padone lòt, pou yon pi gwo peche pa rete nan yo; 12–22, Yo dwe mennen moun ki pa repanti yo devan Legliz la; 23–25, Yon moun ki peye ladim, li p ap boule nan vini Senyè a; 26–32, Senyè a te avèti sen yo kont dèt; 33–36, Moun ki rebèl yo pral retranche soti nan Siyon; 37–40, Legliz la pral jije nasyon yo; 41–43, Siyon pral pwospere.
Seksyon 65
1–2, Bondye bay lòm sou tè a kle wayòm li a, epi kòz levanjil la pral triyonfe; 3–6, Wayòm milenyòm syèl la pral vini pou l mete ansanm avèk wayòm Bondye a sou tè a.
Seksyon 66
1–4, Alyans etènèl la se plenitid levanjil la; 5–8, Ansyen yo dwe preche, temwaye, epi rezone avèk pèp la; 9–13, Sèvis ministè ki fidèl asire yon eritaj lavi etènèl.
Seksyon 67
1–3, Senyè a tande priyè ansyen yo epi l voye je sou yo; 4–9, Li bay moun ki pi saj la defi pou l pwodui yon revelasyon ki parèy ak pi piti nan revelasyon Li yo; 10–14, Lespri a pral chanje ansyen ki fidèl yo epi yo pral wè figi Bondye.
Seksyon 68
1–5, Lè Sentespri a anime ansyen yo, pawòl yo se ekriti; 6–12, Ansyen yo dwe preche epi batize moun, epi siy pral suiv vrè kwayan yo; 13–24, Premyene yo ki pami pitit gason Aawon yo kapab sèvi kòm Evèk Prezidan an (ki vle di, kenbe kle prezidans la kòm evèk) sou direksyon Premye Prezidans la; 25–28, Paran yo resevwa kòmandman pou yo ansenye pitit yo levanjil la; 29–35, Sen yo dwe obsève Saba a, yo dwe travay avèk dilijans epi yo dwe priye.
Seksyon 69
1–2, John Whitmer dwe akonpaye Oliver Cowdery ale Missouri; 3–8, Li dwe preche tou, epi koleksyone, anrejistre, epi ekri enfòmasyon istorik.
Seksyon 70
1–5, Responsablite bay pou pibliye revelasyon yo; 6–13, Moun k ap travay nan bagay espirityèl yo diy pou pozisyon an; 14–18, Sen yo dwe egal nan bagay tanporèl.
Seksyon 71
1–4, Senyè a voye Joseph Smith ak Sidney Rigdon pwoklame levanjil la; 5–11, ènmi Sen yo pral tonbe nan konfizyon.
Seksyon 72
1–8, Ansyen yo dwe rann evèk la rapò sou responsablite yo; 9–15, Evèk la jere magazen an epi l pran swen pòv yo ak moun ki nan bezwen yo; 16–26, Evèk yo dwe sètifye diyite ansyen yo.
Seksyon 73
1–2, Ansyen yo dwe kontinye preche; 3–6, Joseph Smith ak Sidney Rigdon dwe kontinye tradui Bib la jiskaske l fini.
Seksyon 74
1–5, Pòl konseye Legliz nan epòk li a pou yo pa kenbe lalwa Moyiz la; 6–7, Timoun piti yo sen epi yo sanktifye pa mwayen Ekspyasyon an.
Seksyon 75
1–5, Ansyen ki fidèl yo ki preche levanjil la ap jwenn lavi etènèl; 6–12, Priye pou ou resevwa konsolatè a, ki ansenye tout bagay; 13–22, Ansyen yo pral chita nan jijman kont moun ki rejte mesaj yo a; 23–36, Fanmi misyonè yo dwe resevwa èd nan men Legliz la.
Seksyon 76
1–4, Senyè a se Bondye; 5–10, Mistè wayòm yo pral revele pou tout fidèl yo; 11–17, Tout moun pral leve nan rezirèksyon moun ki jis yo oubyen moun ki pa jis yo; 18–24, Abitan ki nan anpil mond yo se pitit gason ak pitit fi Bondye atravè Ekspyasyon Jezikri a; 25–29, Yon zanj Bondye te tonbe epi l te vin tounen dyab la; 30–49, Pitit gason pèdisyon yo soufri danasyon etènèl; tout lòt moun pral gen yon degre sali; 50–70, Laglwa ak rekonpans èt egzalte yo nan wayòm selès la dekri; 71–80, Moun ki pral eritye wayòm terès yo dekri; 81–113, Pozisyon moun ki nan laglwa telès, terès ak selès yo eksplike; 114–119, Moun ki fidèl yo kapab wè epi yo kapab konprann mistè yo ki nan wayòm Bondye a avèk pouvwa Lespri Sen an.
Seksyon 77
1–4, Bèt yo gen lespri epi yo ap rete nan bonè etènèl; 5–7, Tè sa a gen yon egzistans tanporèl pou 7.000 ane; 8–10, Anpil zanj retabli levanjil la epi yo administre sou tè a; 11, sèlman 144.000 mil yo; 12–14, Kris la pral vini nan kòmansman setyèm mil ane yo; 15, De pwofèt pral leve pou nasyon Juif la.
Seksyon 78
1–4, Sen yo dwe òganize epi yo dwe tabli yon magazen; 5–12, Si yo itilize pwopriyete yo avèk lasajès, sa ap mennen nan sali; 13–14, Legliz la dwe endepandan anba pouvwa terès yo; 15–16, Michèl (Adan) sèvi sou direksyon Sen an (Kris la); 17–22, Moun ki fidèl yo beni, paske y ap eritye tout bagay.
Seksyon 79
1–4, Jared Carter resevwa apèl pou l preche levanjil la pa lantremiz Konsolatè a.
Seksyon 80
1–5, Stephen Burnett ak Eden Smith aple pou yo preche nenpòt kote yo chwazi.
Seksyon 81
1–2, Se Premye Prezidans lan ki toujou kenbe kle wayòm nan; 3–7, Si Frederick G. Williams fidèl nan ministè li a, l ap gen lavi etènèl.
Seksyon 82
1–4, Kote moun resevwa anpil, y ap mande l anpil; 5–7, Tenèb kouvri mond lan; 8–13, Senyè a anba obligasyon lè nou fè sa Li di; 14–18, Siyon dwe grandi nan bèlte ak sentete; 19–24, Chak moun ta dwe chèche enterè pwochen l.
Seksyon 83
1–4, Fi ak timoun gen dwa pou mari yo ak papa yo sipòte yo; 5–6, Vèv ak òfelen gen dwa pou Legliz la sipòte yo.
Seksyon 84
1–5, Nouvo Jerizalèm nan ak tanp la pral bati nan Missouri; 6–17, Liy prètriz la depi nan Moyiz lajis nan Adan; 18–25, Pi gran prètriz la gen kle konesans Bondye; 26–32, Pi piti prètriz la gen kle administrasyon zanj yo ak levanjil preparatwa a; 33–44, Lèzòm jwenn lavi etènèl pa mwayen sèman ak alyans prètriz la; 45–53, Lespri Kris la klere lèzòm, epi mond lan rete nan peche; 54–61, Sen yo dwe temwaye konsènan bagay sa yo yo resevwa a; 62–76, Yo dwe preche levanjil la, epi siy ap vini apre; 77–91, Ansyen yo dwe ale san bous oubyen san sak, epi Senyè a ap pran swen yo; 92–97, Epidemi ak malediksyon ap rete tann moun ki rejte levanjil la; 98–102, yo resevwa nouvo chan redanmsyon Siyon an; 103–110, Se pou chak moun kanpe nan pwòp ofis li epi pou l travay nan pwòp apèl pa li; 111–120, Sèvitè Senyè a yo dwe pwoklame abominasyon ki soti ran dezolasyon dènye jou yo.
Seksyon 85
1–5, Konsekrasyon se kondisyon pou nou resevwa eritaj nan Siyon; 6–12, Yon moun puisan ak djanm pral bay sen yo eritaj yo nan Siyon.
Seksyon 86
1–7, Senyè a bay siyifikasyon parabòl ble ak move zèb la; 8–11, Li eksplike benediksyon prètriz la pou moun ki eritye legal yo daprè fizik la.
Seksyon 87
1–4, Prediksyon lagè ant Eta Nò yo ak Eta Sid yo; 5–8, Anpil kalamite pral tonbe sou moun ki sou tè a.
Seksyon 88
1–5, Sen ki fidèl yo resevwa Konsolatè sa a, ki se pwomès lavi etènèl; 6–13, Se avèk Limyè Kris la tout bagay kontwole epi gouvène; 14–16, Rezirèksyon an vini pa mwayen Redanmsyon an; 17–31, Obeyisans lalwa selès, lalwa terès, oubyen lalwa telès prepare lèzòm pou wayòm ak laglwa respektif sa yo; 32–35, Moun ki vle rete nan peche ap toujou rete sal; 36–41, Se avèk lalwa tout wayòm yo dirije; 42–45, Bondye te bay yon lalwa pou tout bagay; 46–50, Lòm pral menm rive konprann Bondye; 51–61, Parabòl moun ki te voye sèvitè l yo nan jaden an epi ki te vizite yo youn apre lòt la; 62–73, Pwoche pre Senyè a epi n ap wè figi Li; 74–80, Sanktifye tèt nou epi ansenye youn lòt doktrin wayòm nan; 81–85, Chak moun ki te avèti dwe avèti pwochen l; 86–94, Siy, chanjman nan eleman yo, ak zanj ap prepare chemen an pou aparisyon Senyè a; 95–102, Twonpèt zanj la rele mò yo daprè lòd yo; 103–116, Twonpèt zanj la pwoklame retablisman levanjil la, chit Babilòn nan, ak batay Bondye ki gran an; 117–126, Chèche aprann, etabli yon kay pou Bondye (yon tanp), epi abiye tèt nou avèk lyen charite a; 127–141, Lòd Lekòl Pwofèt yo tabli, ansanm avèk òdonans lavman pye a.
Seksyon 89
1–9, Itilizasyon diven, bwason fò, tabak, ak bwason cho, aboli; 10–17, Fèy, fwi, vyann, ak grenn se bagay ki fèt pou sèvi lòm ak animal yo; 18–21, Obeyisans nan lalwa levanjil la, ansanm avèk Pawòl Sajès la, pote benediksyon tanporèl ak espirityèl.
Seksyon 90
1–5, Kle wayòm yo konfye nan men Joseph Smith epi pa lantremiz limenm, nan men Legliz la; 6–7, Sidney Rigdon ak Frederick G. Williams dwe sèvi nan Premye Prezidans lan; 8–11, Levanjil la dwe preche pou nasyon Izrayèl yo, pou Janti yo, ak Juif yo, pou chak moun tande l nan lang pa li; 12–18, Joseph Smith ak konseye l yo dwe tabli Legliz la avèk lòd; 19–37, Senyè a konseye plizyè endividi pou yo mache dwat epi pou yo sèvi nan wayòm Li a.
Seksyon 91
1–3, Apokrif la prèske toutafè byen tradui, men li gen anpil esplikasyon ki soti nan men lèzòm ki pa verite; 4–6, Li profitab pou moun Lespri a klere.
Seksyon 92
1–2, Senyè a bay yon kòmandman ki gen relasyon avèk admisyon lòd ini an.
Seksyon 93
1–5, Tout moun ki fidèl pral wè Senyè a; 6–18, Jan te rann temwayaj pou fè konnen Pitit Gason Bondye a te mache lagras sou lagras jistan Li te resevwa laglwa Papa a toutantye; 19–20, Moun fidèl ki mache lagras sou lagras, pral resevwa L tou toutantye; 21–22, Moun ki fèt pa lantremiz Kris la yo se Legliz Premyene a; 23–28, Kris la te resevwa yon totalite verite toutantye, epi lòm kapab fè menm jan an tou avèk obeyisans; 29–32, Lòm te nan kòmansman an avèk Bondye; 33–35, Eleman yo etènèl, epi lòm kapab resevwa yon totalite lajwa toutantye nan Rezirèksyon an; 36–37, Laglwa Bondye se entèlijans; 38–40, Timoun yo inosan devan Bondye poutèt redanmsyon Kris la; 41–53, Frè k ap dirije yo resevwa kòmandman pou yo tabli fanmi yo nan lòd.
Seksyon 94
1–9, Senyè a bay yon kòmandman ki gen relasyon avèk konstriksyon yon kay pou travay Prezidans la; 10–12, Yon kay pou enprime dwe bati; 13–17, Kèk eritaj deziye.
Seksyon 95
1–6, Sen yo chatye poutèt yo pa bati kay Senyè a; 7–10, Senyè a vle itilize kay Li a pou dote pèp Li a avèk pouvwa ki soti anwo; 11–17, Kay la dwe dedye kòm yon plas pou adorasyon epi pou lekòl Apot yo.
Seksyon 96
1, Pye Siyon ki nan Kirtland nan dwe vin ranfòse; 2–5, Evèk la dwe divize eritaj yo pou Sen yo; 6–9, John Johnson dwe vin yon manm nan lòd ini an.
Seksyon 97
1–2, Anpil nan Sen Siyon yo (Konte Jackson, Missouri) beni poutèt fidelite yo; 3–5, Parley P. Pratt jwenn konpliman pou travay li nan lekòl Siyon an; 6–9, Moun ki obsève alyans yo, Senyè a aksepte yo; 10–17, Yon kay dwe bati nan Siyon, kote moun ki gen kè pi pral wè Bondye; 18–21, Siyon se moun ki gen kè pi; 22–28, Siyon ap echape anba afliksyon Senyè a si l fidèl.
Seksyon 98
1–3, Afliksyon Sen yo pral pou byen yo; 4–8, Sen yo dwe aksepte lalwa konstitisyon peyi a; 9–10, Yo ta dwe sipòte moun ki onèt, saj, epi ki bon pou gouvène peyi a; 11–15, Moun ki bay lavi yo pou kòz Senyè a pral gen lavi etènèl; 16–18, Renonse ak lagè epi pwoklame lapè; 19–22, Sen yo ki nan Kirtland yo resevwa repwòch ak kòmandman pou yo repanti; 23–32, Senyè a revele lalwa Li ki gouvène pèsekisyon ak afliksyon ki enpoze sou pèp Li a; 33–38, Lagè jistifye sèlman lè Senyè a kòmande l; 39–48, Sen yo dwe padone ènmi yo, epi ènmi yo ap chape anba vanjans Senyè a si yo repanti.
Seksyon 99
1–8, John Murdock resevwa apèl pou l pwoklame levanjil la, epi moun ki resevwa l yo resevwa Senyè a epi y ap jwenn mizèrikòd.
Seksyon 100
1–4, Joseph ak Sidney dwe preche levanjil la pou sali nanm yo; 5–8, Y ap resevwa nan lè a menm kisa pou yo di; 9–12, Sidney dwe vin yon pòtpawòl epi Joseph dwe vin yon revelatè epi l dwe vin pisan nan temwayaj; 13–17, Senyè a pral leve yon pèp ki pi, epi moun ki obeyisan ap sove.
Seksyon 101
1–8, Sen yo aflije epi yo chatye poutèt transgresyon yo; 9–15, Endiyasyon Senyè a pral tonbe sou nasyon yo, men, pèp Li a pral rasanble epi li pral konsole; 16–21, Siyon ak pye li yo pral tabli; 22–31, Nati lavi pandan Milenyòm nan tabli; 32–42, Sen yo pral beni epi yo pral rekonpanse lè sa a; 43–62, Parabòl moun ki nòb la ak pye oliv la siyifi pwoblèm ak redanmsyon Siyon; 63–75, Sen yo dwe kontinye rasanble; 76–80, Senyè a tabli Konstitisyon Etazini an; 81–101, Sen yo dwe ensiste pou sipòte grèv, daprè parabòl fi a ak jij ki pa jis la.
Seksyon 102
1–8, Yon gran konsèy lonmen pou rezoud difikilte ki leve nan legliz la; 9–18, Yo resevwa direksyon pou fè jijman; 19–23, Prezidan konsèy la pran desizyon an; 24–34, Direksyon pou rele moun nan jijman tabli.
Seksyon 103
1–4, Poukisa Senyè a kite moun pèsekite Sen ki nan Konte Jackson yo; 5–10, Sen yo ap ranpòte viktwa si yo respekte kòmandman yo; 11–20, Redanmsyon Siyon pral vini avèk pouvwa, epi Senyè a prale devan pèp Li a; 21–28, Sen yo dwe rasanble nan Siyon, epi moun ki bay lavi yo pral jwenn li ankò; 29–40, Anpil nan frè yo resevwa apèl pou yo òganize Kan Siyon an epi pou yo ale nan Siyon; Yo gen pwomès viktwa si yo fidèl.
Seksyon 104
1–10, Sen yo ki transgrese kont lòd inifye a ap modi; 11–16, Senyè a pran swen Sen Li yo nan pwòp fason pa L; 17–18, Lalwa levanjil gouvène swen pòv yo; 19–46, Responsablite ak benediksyon plizyè nan frè yo deziye; 47–53, Lòd ini ki nan Kirtland nan ak lòd ki nan Siyon an dwe fonksyone separeman; 54–66, Fon sakre Senyè a tabli pou enprime ekriti yo; 67–77, Fon jeneral lòd ini a dwe administre sou konsantman jeneral; 78–86, Moun ki nan lòd ini yo dwe peye tout dèt yo, epi Senyè a ap delivre yo anba esklavaj finansye.
Seksyon 105
1–5, Siyon pral bati an konfòmite avèk lalwa selès; 6–13, Redanmsyon Siyon an ranvwaye pou yon ti tan; 14–19, Senyè a pral mennen batay Siyon yo; 20–26, Sen yo dwe gen lasajès epi yo pa dwe vante tèt yo konsènan gran zèv lè yo rasanble; 27–30, Yo dwe achte tè nan Jackson ak nan lòt peyi alantou; 31–34, Ansyen yo dwe resevwa yon dotasyon nan kay Senyè a nan Kirtland; 35–37, Sen ki aple epi ki sanktifye yo tou pral sanktifye; 38–41, Sen yo dwe leve yon anblsèm lapè devan mond la.
Seksyon 106
1–3, Warren A. Cowdery aple kòm yon ofisye prezidan lokal; 4–5, Dezyèm vini an p ap anpòte pitit limyè yo tankou yon vòlè; 6–8, Gwo benediksyon vini apse sèvis fidèl nan Legliz la.
Seksyon 107
1–6, Gen de prètriz: Mèlkisedèk la ak Aawon an; 7–12, Moun ki gen Prètriz Mèlkisedèk yo gen pouvwa pou yo ofisye nan tout ofis ki nan Legliz la; 13–17, Episkopa a prezide sou Prètriz Aawon an, ki administre nan òdonans preliminè yo; 18–20, Prètriz Mèlkisedèk la gen kle tout benediksyon espirityèl yo; Prètriz Aawon an gen kle administrasyon zanj yo; 21–38, Premye Prezidans la, Douz yo, ak Swasanndis yo se kowòm k ap prezide yo, ki dwe pran desizyon nan inite ak lajistis; 39–52, Lòd patriyakal la tabli depi nan Adan jouk nan Noye; 53–57, Ansyen Sen yo te rasanble nan Adan-ondi-Aman, epi Senyè a te parèt devan yo; 58–67, Douz yo dwe mete ofisye yo ki nan Legliz la nan lòd; 68–76, Evèk yo sèvi kòm jij regilye nan Izrayèl; 77–84, Premye Prezidans la ak Douz yo se pi gran tribinal nan Legliz la; 85–100, Prezidan prètriz yo gouvène pwòp kowòm pa yo.
Seksyon 108
1–3, Peche Lyman Sherman yo padone; 4–5, Li dwe konte pami ansyen yo k ap dirije Legliz la; 6–8, Li aple pou l preche levanjil la epi pou l fòtifye frè l yo.
Seksyon 109
1–5, Tanp Kirtland nan te bati kòm yon plas pou Pitit Gason Lòm nan vizite; 6–21, Li dwe yon kay priyè, jèn, lafwa, pou aprann, glwa, ak lòd, epi yon kay pou Bondye; 22–33, Se pou moun ki pa repanti ki kont pèp Senyè a tonbe nan konfizyon; 34–42, Se pou Sen yo ale avèk pouvwa pou rasanble moun ki jis yo nan Siyon; 43–53, Se pou Sen yo delivre anba bagay tèrib ki pral tonbe sou mechan yo nan dènye jou yo; 54–58, Se pou nasyon yo ak pèp yo ak legliz yo prepare yo pou levanjil la; 59–67, Se pou Juif yo, Lamanit yo, ak tout Izrayèl rachte; 68–80, Se pou Sen yo kouwone avèk laglwa ak onè epi pou yo gen sali etènèl.
Seksyon 110
1–10, Senyè a Jewova parèt nan laglwa epi li aksepte Tanp Kirtland nan kòm kay Li; 11–12, Moyiz ak Elyas yo chak te parèt epi yo te remèt kle yo ak dispansasyon yo; 13–16, Eli retounen epi l remèt kle dispansasyon li a jan Malachi te pwomèt la.
Seksyon 111
1–5, Senyè a wè bezwen tanporèl sèvitè Li yo; 6–11, Li pral aji avèk Siyon avèk mizèrikòd epi L pral ranje tout bagay pou byen sèvitè Li yo.
Seksyon 112
1–10, Douz yo dwe pote levanjil la epi leve vwa avètisman an bay tout nasyon ak tout pèp; 11–15, Yo dwe pran kwa yo, suiv Jezi, epi nouri brebi L yo; 16–20, Moun ki resevwa Premye Prezidans lan yo resevwa Senyè a; 21–29, Tenèb kouvri tè a, epi se sèlman moun ki kwè epi ki batize k ap sove; 30–34, Premye Prezidans lan ak Douz yo gen kle dispansasyon plenitid tan yo.
Seksyon 113
1–6, Souch Izayi a, flèch ki soti ladan l nan, ak rasin Izayi a idantifye; 7–10, Rès Siyon an ki te dispèse a gen dwa nan prètriz la epi yo jwenn apèl pou yo retounen vin jwenn Senyè a.
Seksyon 114
1–2, Nan legliz la y ap wete pozisyon moun ki pa fidèl yo pou bay lòt moun.
Seksyon 115
1–4, Senyè a rele legliz Li a Legliz Jezikri pou Sen Dènye Jou yo; 5–6, Siyon ak pye li yo se anplasman pou defans ak refij sen yo; 7–16, Sen yo resevwa lòd pou bati yon kay pou Senyè a nan Far West la; 17–19, Joseph Smith gen kle wayòm Bondye a sou tè a.
Seksyon 116
Seksyon 117
1–9, Sèvitè Senyè a yo pa dwe konvwate bagay materyèl, paske, “ki valè pwopriyete genyen pou Senyè a?”; 10–16, Yo dwe abandone bagay ki pla, epi sakrifis yo ap sakre pou Senyè a.
Seksyon 118
1–3, Senyè a ap pran swen fanmi Douz yo; 4–6, Plas vid nan pami Douz yo ranpli.
Seksyon 119
1–5, Sen yo dwe peye kantite ki anplis nan byen yo epi apresa, pou yo bay chak lane, kòm ladim, dizièm pati nan revni yo; 6–7, Jan sa a pral sanktifye pey Siyon an.
Seksyon 120
Seksyon 121
1–6, Pwofèt la plede avèk Senyè a poutèt soufrans Sen yo; 7–10, Senyè a ba l lapè; 11–17, Tout moun ki bay manti nan rele transgresyon kont pèp Senyè a ap modi; 18–25, Yo p ap gen dwa nan prètriz la epi y ap dane; 26–32, Moun ki reziste avèk vanyans yo resevwa pwomès relasyon gloriye; 33–40, Poukisa gen anpil moun ki aple epi se sèlman kèk ki chwazi; 41–46, Prètriz la dwe sèlman sèvi nan lajistis.
Seksyon 122
1–4, Tout kwen tè a pral chèche konnen non Joseph Smith; 5–7, Tout peripesi l yo ak soufrans li yo pral ba li eksperyans epi se pral pou byen l; 8–9, Pitit Gason Lòm nan te desann pi ba pase yo tout.
Seksyon 123
1–6, Sen yo ta dwe koleksyone epi pibliye istwa soufrans yo ak pèsekisyon yo; 7–10, Se menm lespri ki te tabli fo kwayans yo ki dirije pèsekisyon kont Sen yo tou; 11–17, Anpil moun pami tout relijyon yo gen pou yo resevwa verite a.
Seksyon 124
1–14, Joseph te resevwa kòmandman pou l fè yon pwoklamasyon solanèl konsènan levanjil la devan prezidan Etazini an, gouvènè yo, ak dirijan yo ki nan nasyon an; 15–21, Hyrum Smith, David W. Patten, Joseph Smith, papa a, ak lòt moun pami vivan yo ak mò yo beni poutèt entegrite yo ak vèti yo; 22–28, Sen yo resevwa kòmandman pou yo bati yon kay amizman pou etranje yo ak yon tanp nan Nauvoo; 29–36, Batèm pou mò yo dwe fèt nan tanp yo; 37–44, Pèp Senyè a toujou bati tanp pou akonpli òdonans sakre yo; 45–55, Sen yo gen ekskiz pou yo pa bati tanp lan nan Konte Jackson poutèt opresyon ènmi yo; 56–83, Yo resevwa direksyon pou bati Kay nan Nauvoo a; 84–96, Hyrum Smith resevwa apèl kòm patriyach, pou l resevwa kle, epi pou l pran plas Oliver Cowdery; 97–122, William Law ak lòt moun resevwa konsèy nan travay yo; 123–145, Otorite Jeneral ak lokal resevwa apèl, ansanm avèk devwa yo ak afilyasyon nan kowòm yo.
Seksyon 125
1–4, Sen yo dwe bati vil pou yo rasanble nan pye Siyon yo.
Seksyon 126
1–3, Brigham Young jwenn konpliman pou travay li epi yo wete l anba obligasyon pou l vwayaje nan peyi etranje a lavni.
Seksyon 127
1–4, Joseph Smith glorifye nan pèsekisyon ak tribilasyon li yo; 5–12, Rejis konsènan batèm pou mò yo dwe konsève.
Seksyon 128
1–5, Grefye lokal ak grefye jeneral yo dwe anrejistre batèm pou mò lè yo fèt; 6–9, Rejis yo lye epi yo anrejistre sou tè a ak nan syèl la; 10–14, Fon batismo gen resanblans avèk tonb nan; 15–17, Eli te retabli pouvwa ki gen relasyon avèk batèm pou mò yo; 18–21, Tout kle, pouvwa, ak otorite dispansasyon pase yo retabli; 22–25, Deklarasyon bon nouvèl gloriye pou vivan yo ak mò yo.
Seksyon 129
1–3, Gen kò resisite ak kò lespri nan syèl la; 4–9, Gen kle pou mesaje ki soti lòtbò vwal la kapab idantifye.
Seksyon 130
1–3, Papa a ak Pitit Gason an kapab parèt pèsonèlman devan lèzòm; 4–7, Zanj yo rete nan domèn selès; 8–9, tè selès la pral tankou yon gran Ourim ak Toumim; 10–11, tout moun ki antre nan mond selès la resevwa yon wòch blan; 12–17, Yo pa di Pwofèt yo kilè Dezyèm vini an ap fèt; 18–19, Entèlijans nou jwenn nan lavi sa a pral leve avèk nou nan rezirèksyon an; 20–21, Tout benediksyon vini pa lantremiz obeyisans lalwa; 22–23, Papa a ak Pitit Gason an gen kò chè ak zo.
Seksyon 131
1–4, Maryaj selès esansyèl pou egzaltasyon nan pi wo degre syèl la; 5–6, Yo esplike kòman lèzòm kapab sele pou lavi etènèl; 7–8, Tout lespri se matyè.
Seksyon 132
1–6, Se nan nouvo alyans etènèl la moun gen egzaltasyon; 7–14, Limit ak kondisyon alyans sa a tabli; 15–20, Maryaj selès ak karaktè etènèl fanmi pèmèt lèzòm pou yo vin tounen Bondye; 21–25, Chemen dwat ki etwat la mennen nan lavi etènèl; 26–27, Legliz la resevwa lalwa ki gen relasyon ak blasfèm kont Sentespri a; 28–39, Pwofèt ak Sen ki nan tout epòk yo resevwa pwomès pwogresyon etènèl ak egzaltasyon; 40–47, Joseph Smith resevwa pouvwa pou l lye epi pou l sele sou tè a ak nan syèl la; 48–50, Senyè a sele egzaltasyon pa li sou tèt li; 51–57, Emma Smith resevwa konsèy pou l fidèl epi pou l vrè; 58–66, lwa ki gouvène maryaj poligami yo tabli.
Seksyon 133
1–6, Sen yo resevwa kòmandman pou yo prepare Dezyèm vini an; 7–16, Tout moun resevwa kòmandman pou yo kouri kite Babilòn, vini nan Siyon, epi pou yo prepare pou gran jou Senyè a a; 17–35, Li pral kanpe sou mòn Siyon an, kontinan yo pral vin tounen yon sèl tè, epi tribi Izrayèl ki te pèdi yo pral retounen; 36–40, Levanjil la te retabli pa lantremiz Joseph Smith pou yo preche l nan tout mond lan; 41–51, Senyè a pral desann nan vanjans sou mechan yo; 52–56, Se pral ane moun Li rachte yo; 57–74, Yo dwe voye levanjil la pou sove Sen yo epi pou destriksyon mechan yo.
Seksyon 134
1–4, Gouvènman yo ta dwe prezève libète konsyans ak libète adorasyon; 5–8, Tout moun dwe kore gouvènman pa yo epi montre respè ak obeyisans pou lalwa yo; 9–10, Legliz yo Sosyete relijyon pa ta dwe egzèse pouvwa sivil; 11–12, Lèzòm jistifye nan defann tèt yo ak pwopriyete yo.
Seksyon 135
1–2, Joseph ak Hyrum mouri matirize nan prizon Carthage; 3, Pozisyon Pwofèt la nan lavni devwale; 4–7, San inosan yo temwanye konsènan verite ak divinite travay la.
Seksyon 136
1–16, Fason kan Izrayèl la dwe òganize pou vwayaj nan lwès la; 17–27, Sen yo kòmande pou yo viv daprè plizyè prensip nan levanjil la; 28–33, Sen yo ta dwe chante, danse, priye, epi aprann lasajès; 34–42, Pwofèt yo pase anba asasina pou yo kapab onore epi pou mechan yo kapab kondane.
Seksyon 137
1–6, Pwofèt la wè frè li a, Alvin nan wayòm selès la; 7–9, Revelasyon sou Doktrin sali pou mò yo; 10, Tout timoun sove nan wayòm selès la.
Seksyon 138
1–10, Prezidan Joseph F. Smith medite sou ekriti Pyè yo ak vizit Senyè nou an nan mond dèzespri yo; 11–24, Prezidan Smith wè mò moun ki jis yo rasanble nan yon paradi ak Kris la pami yo; 25–37, Li wè kòman predikasyon levanjil la te òganize nan mond dèzespri yo; 38–52, Li wè Adan, Èv, ak anpil nan pwofèt sen yo nan mond dèzespri a ki te konsidere sitiyasyon lespri yo anvan rezirèksyon yo a kòm yon esklavaj; 53–60, Mò jis yo, jouk kounyeya, ap kontinye travay yo nan mond dèzespri a.