3. Etuka ya New York, Pennsylvania, mpe Ohio ya Etazini ya Amerika

Bainbridge ya Sudi Joseph Smith Mwana mpe Emma Hale babalanaki awa mokolo ya 18, sanza ya yambo ya mobu 1827 (tala JS—Mambi ya Kala 1:57).

Colesville Etape ya yambo ya Eklezia ebongisamaki na ndako ya Joseph Knight Tata, na Etuka ya Colesville, na mobu 1830.

Ndako ya Joseph Smith Mwana na Harmony Mingi koleka ya bobongoli ya Buku ya Mormon bosalemaki awa. Na mabongo ya Ebale ya Susquehanna bonganganzambe ezongisamaki na pene ya mobu 1829 (tala Mal&May 13; 128:20; JS—Mambi ya Kala 1:71–72).

Fayette Banzeneneke Basato bamonaki bapalaki ya wolo mpe anjelu Moroni awa (Mal&May 17). Bobongoli ya Buku ya Mormon bosilaki awa na sanza ya motoba ya mobu 1829. Eklezia ebongisamaki awa mokolo ya 6, sanza ya minei ya mobu 1830 (tala Mal&May 20–21).

Mendon Ndako ya ebandeli ya Brigham Young mpe Heber C. Kimball.

Kirtland Bamisionele baoyo batindamaki epayi na Balamani basukaki awa na mobu 1830 mpe babatisaki Sidney Rigdon mpe basusu na ntei ya Kirtland. Ezalaki esika mokonzi ya Eklezia uta 1831 kino 1838. Tempelo ya yambo ya eleko oyo etongamaki na Kirtland mpe ebulisamaki mokolo ya 27, sanza ya misato ya mobu 1836 (tala Mal&May 109).

Mongala ya Erie Bitape misato ya Eklezia na New York (Colesville, Fayette, mpe Manchester) batikaki ya bango mboka mpo na mboka bapaya na nzela ya Mongala ya Erie mpe na nzela ya Litima ya Erie na Kirtland, Ohio, na sanza ya minei mpe ya mitano ya mobu 1831.

Hiram Joseph mpe Emma bafandaki awa uta sanza ya libwa ya mobu 1831 kino sanza ya libwa ya mobu 1832. Joseph mpe Sidney Rigdon basalaki mosala ya Bobongoli ya Biblia na Joseph Smith (BJS). Bimoniseli oyo ezwamaki awa: Mal&May 1; 65–71; 73; 76–77; 79–81; 99; 133.

Amherst Joseph Smith asungamaki lokola Moyangeli ya Bonganganzambe ya Monene na mokolo na mokolo ya 25, sanza ya yambo ya mobu 1832 (tala Mal&May 75).

Toronto Ndako ya John Taylor, Moyangeli ya misato ya Eklezia, mpe ya Mary Fielding Smith, mwasi ya Hyrum Smith.