Eteni 73
Emoniseli epesami epayi ya profeta Joseph Smith mpe Sidney Rigdon, na Hiram, Ohio, mokolo ya 10, sanza ya yambo ya mobu 1832. Uta na ebandeli mpenza ya sanza ya zomi na mibale eleki, Profeta mpe Sidney Rigdon bamipesaki mpenza kati na mosala ya koteya, mpe na nzela oyo mingi ekokisamaki na kokitisa mayoki ya mabe oyo ebimaki mpo na koyina Eklezia (tala moto ya eteni 71).
1–2, Bampaka basengeli kokoba koteya; 3–6, Joseph Smith mpe Sidney Rigdon basengeli kokoba kobongola Biblia kino ekosila.
1 Mpo solo, boye elobi Nkolo, elongobani epayi na ngai ete bango basengeli kokoba koteya nsango malamu, mpe bakoba kolendisa Baeklezia na bituka ya nzinganzinga mpembeni, kino na likita likosalema nsima;
2 Mpe nsima, tala, ekoyebisama epayi na bango, bitinda ebele na bango, na nzela ya kopona ya bato na likita yango.
3 Sikawa, solo nalobi epayi na bino basali na ngai, Joseph Smith Mwana mpe Sidney Rigdon, elobi Nkolo, elongobani ete bobongola lisusu;
4 Mpe, mbala mingi lokola ekoki kosalema, boteya na bituka ya nzinganzinga mpembeni kino ekosalema likita yango; mpe nsima na wana elongobani ete bokoba mosala ya bobongoli kino mokosila.
5 Mpe tika ete oyo ezala emekoleli epayi ya bampaka kino bakozwa boyebi mosusu na kobakisama, kutu lokola ekomami.
6 Sikawa nazali na mingi ya kobakisa te na ntango oyo. Bokanga nketo na bino mpe bozala na bokengi. Kutu bongo. Amene.