Biteni

Makomi

Malongi mpe Mayokani

Makambo oyo ezali kati ya buku
Boyingisi mpe Molongo ya Makambo
Biteni
Mayebisi ya Bakambi

Biteni

Eteni 1
1–7, Mongongo ya bokebisi ebimi mpo na bato nyonso; 8–16, Bopengwi mpe nkuna ekoya liboso ya Boyei ya Mibale; 17–23, Joseph Smith abiangami mpo na kozongisa bosolo mpe nguya ya Nkolo na mabele; 24–33, Buku ya Mormon ebimisami mpe Eklezia ya solo etiami; 34–36, Kimia ekolongwa uta na mabele; 37–39, Boluka malamu mitindo oyo.
Eteni 2
1, Eliya akobimisa bonganganzambe; 2–3, Bilaka ya batata bilonami na mitema ya bana.
Eteni 3
1–4, Nzela ya Nkolo ezali moko zunguluke ya seko; 5–15, Joseph Smith asengeli koyambola soki te kobungisa likabo ya kobongola; 16–20, Buku ya Mormon ebimi mpo na kobikisa nkona ya Lehi.
Eteni 4
1–4, Kosalela Nkolo mosala na mpiko ebikisaka basali na Ye; 5–6, Bizaleli ya bonzambe epesaka bango makoki mpo na mosala; 7, Makambo ya Nzambe esengeli koluka yango.
Eteni 5
1–10, Nkola oyo ekozwa liloba ya Nkolo na nzela ya Joseph Smith; 11–18, Banzeneneke Misato bakotatola na ntina ya Buku ya Mormon; 19–20, Liloba ya Nkolo ekomonisama solo lokola na ntango ya kala; 21–35, Martin Harris akoki koyambola mpe kozala moko ya banzeneneke.
Eteni 6
1–6, Basali na elanga ya Nkolo bakozwa lobiko; 7–13, Ezali na likabo monene te koleka likabo ya lobiko; 14–27, Litatoli ya bosolo eyaka na nguya ya Molimo; 28–37, Botalela Klisto, mpe bosala bolamu ntango nyonso.
Eteni 7
1–3, Yoane Molingami akozala na bomoi kino Nkolo akozonga; 4–8, Petelo, Yakobo, mpe Yoane bazali na bafungola ya nsango malamu.
Eteni 8
1–5, Emoniseli eyaka na nguya ya Molimo Mosantu; 6–12, Boyebi ya mibombamo ya Nzambe mpe nguya ya kobongola masolo ya makomi ya kala eyaka na bondimi.
Eteni 9
1–6, Masolo ya makomi mosusu ya kala ezali naino ya kobongola; 7–14, Buku ya Mormon ebongolami na nzela ya boyekoli mpe na nzela ya bondimami uta na molimo.
Eteni 10
1–26, Satana atombokisaka bato ya nkuna mpo na kotelemela mosala ya Nkolo; 27–33, Azali koluka kobebisa milimo ya bato; 34–52, Nsango malamu esengeli kokende epayi ya Balamani mpe na bikolo nyonso na nzela ya Buku ya Mormon; 53–63, Nkolo akotia Eklezia na Ye mpe nsango malamu na Ye na kati ya bato; 64–70, Akosangisa bayamboli kati na Eklezia na Ye mpe akobikisa bato na botosi.
Eteni 11
1–6, Basali kati na elanga ya vinyo bakozwa lobiko; 7–14, Luka bwania, belela boyamboli, tiaka motema na Molimo; 15–22, Bomba mitindo, mpe yekola liloba ya Nkolo; 23–27, Kowangana te molimo ya emoniseli mpe ya masakoli; 28–30, Baoyo wana bayambi Klisto bakomi bana ya Nzambe.
Eteni 12
1–6, Basali kati na elanga ya vinyo bakozwa lobiko; 7–9, nyonso oyo bazali na mposa mpe bazali na makoki bakoki kopesa lisalisi na mosala ya Nkolo.
Eteni 13
Bafungola mpe nguya ya Bonganganzambe ya Alona elimbolami.
Eteni 14
1–6, Basali kati na elanga ya vinyo bakozwa lobiko; 7–8, Bomoi ya seko ezali moko ya makabo minene koleka nyonso ya makabo ya Nzambe; 9–11, Klisto akelaki lola mpe mabele.
Eteni 15
1–2, Loboko ya Nkolo ezali likolo ya mabele nyonso; 3–6, Koteya nsango malamu mpe kobikisa milimo ezali eloko oyo ezali motuya koleka nyonso.
Eteni 16
1–2, Loboko ya Nkolo ezali likolo ya mabele nyonso; 3–6, Koteya nsango malamu mpe kobikisa milimo ezali eloko ya motuya koleka nyonso.
Eteni 17
1–4, Na nzela ya bondimi Banzeneneke Misato bakomona bapalaki mpe biloko mosusu ya bule; 5–9, Klisto apesi litatoli mpo na oyo etali bonzambe ya Buku ya Mormon.
Eteni 18
1–5, Makomi makolakisa lolenge boni kotonga Eklezia; 6–8, Mokili ezali kokomela na mabe; 9–16, Molimo ezali na motuya monene; 17–25, Mpo na kozwa lobiko, bato basengeli kokamata nkombo ya Klisto likolo na bango moko; 26–36, Libiangi mpe etinda ya Bazomi na mibale ebimisami; 37–39, Oliver Cowdery mpe David Whitmer basengeli kobombola Bazomi na mibale; 40–47, Mpo na kozwa lobiko, bato basengeli koyambola, kobatisama, mpe kobomba mitindo.
Eteni 19
1–3, Klisto azali na nguya nyonso; 4–5, Bato nyonso basengeli koyambola soki te koyoka mpasi ya bolozi; 6–12, Etumbu ya seko ezali etumbu ya Nzambe; 13–20, Klisto ayokaki bolozi mpo na nyonso, ete bayoka bolozi te soki bakoyambola; 21–28, Teya nsango malamu ya boyamboli; 29–41, Sakola nsango ya nsai.
Eteni 20
1–16, Buku ya Mormon ezali kolakisa bonzambe ya mosala ya mikolo ya nsuka; 17–28, Malongi ya bokeli, bokwei, bomikabi, mpe libatisi endimami; 29–37, Mibeko oyo miyangelaka boyamboli, bolongisi, bosantisami, mpe libatisi epesami; 38–67, Mosala ya bampaka, banganganzambe, bateyi, mpe badiakona etiami na bokuse; 68–74, Mosala ya bandimi, lipamboli ya bana mike, mpe lolenge ya kobatisa ebimisami; 75–84, Sambo ya elambo mpe mibeko esengeli koyangela bato mpo ete bakoma bandimi ya Eklezia epesami.
Eteni 21
1–3, Joseph Smith abiangami kozala momoni, mobongoli, profeta, apostolo, mpe mpaka; 4–8, Liloba na ye ekokamba ntina ya Siona; 9–12, Basantu bakondima maloba na ye lokola akoloba na nzela ya Molendisi.
Eteni 22
1, Libatisi ezali liyokani ya sika mpe ya libela; 2–4, Libatisi esengeli kopesama na moto oyo azali na likoki.
Eteni 23
1–7, Bayekoli oyo ya yambo babiangami mpo na koteya, kolendisa, mpe kopesa Eklezia bokasi.
Eteni 24
1–9, Joseph Smith abiangami mpo na kobongola, koteya, mpe kolimbola makomi; 10–12, Oliver Cowdery abiangami mpo na koteya nsango malamu; 13–19, Mobeko ebimisami mpo na oyo etali makamwisi, bolakeli mabe, kopupola mputulu na makolo, mpe kokende na kozangaka eloko na libenga to mpe liboke.
Eteni 25
1–6, Emma Smith, moko mwasi moponami, abiangami kosalisa mpe kolendisa mobali na ye; 7–11, Abiangami lisusu kokoma, kolimbola makomi, mpe kopona banzembo; 12–14, Loyembo ya bato ya sembo ezali losambo epayi ya Nkolo; 15–16, Mabongisi ya botosi kati na emoniseli oyo etali nyonso.
Eteni 26
1, Balakisi bango lolenge boni koyekola makomi mpe koteya; 2, Mobeko ya kozwa bondimami ya bato nyonso mondimami.
Eteni 27
1–4, Bilembo oyo esengeli kosalelama na ntango ya kolia elambo bilimbolami; 5–14, Klisto mpe basali na Ye uta bileko nyonso basengeli kolia elambo; 15–18, Bolata bibundeli mobimba ya Nzambe.
Eteni 28
1–7, Joseph Smith azali na bafungola ya mibombamo, mpe bobele ye nde azwaka bimoniseli mpo na Eklezia; 8–10, Oliver Cowdery asengeli koteya epayi ya Balamani; 11–16, Satana akosaki Hiram Page mpe apesaki ye bimoniseli ya lokuta.
Eteni 29
1–8, Klisto azali kosangisa baponami na Ye; 9–11, Boyei na ye ekobanda na Nkoto moko ya mibu; 12–13, Bazomi na mibale bakosambisa Yisalaele mobimba; 14–21, Bilembo, bolozi, mpe libebi ekoya liboso ya Boyei ya mibale; 22–28, Bosekwi ya nsuka mpe bosambisi ya nsuka ekoya nsima na Nkoto moko ya mibu; 29–35, Biloko nyonso ezali ya molimo epayi ya Nkolo; 36–39, Zabulu mpe mampinga na ye babenganamaki uta na lola mpo na kosenginia bato; 40–45, Bokwei mpe Bomikabi ememi lobiko; 46–50, Bana mike basikolami na nzela ya Bomikabi.
Eteni 30
1–4, David Whitmer apesami etumbu mpo na kozanga kokokisa mosala na molende; 5–8, Peter Whitmer Mwana asengeli kokende elongo na Oliver Cowdery na misio epayi ya Balamani; 9–11, John Whitmer abiangami koteya nsango malamu.
Eteni 31
1–6, Thomas B. Marsh abiangami koteya nsango malamu mpe akitisami motema ete libota na ye ekotikala malamu; 7–13, Apesami toli mpo na kozala na bompikiliki, kosambela ntango nyonso, mpe kolanda Molendisi.
Eteni 32
1–3, Parley P. Pratt mpe Ziba Peterson babiangami koteya epayi ya Balamani mpe kokende elongo na Oliver Cowdery mpe Peter Whitmer Mwana; 4–5, Basengeli kosambela mpo na bososoli ya makomi.
Eteni 33
1–4, Basali babiangami kosakola nsango malamu na ngonga ya zomi na moko; 5–6, Eklezia etiami, mpe baponi bakosangisama; 7–10, Boyambola, mpo ete bokonzi ya lola ekomi penepene; 11–15, Eklezia etongami likolo ya libanga ya nsango malamu; 16–18, Bomilengela mpo na boyei ya Mobali ya libala.
Eteni 34
1–4, Basembo bakomaka bana ya Nzambe na nzela ya Bomikabi; 5–9, Mateya ya nsango malamu ezali kobongisa nzela mpo na Boyei ya Mibale; 10–12, Bosakoli eyaka na nguya ya Molimo Mosantu.
Eteni 35
1–2, Lolenge boni bato bakoki kokoma bana ya Nzambe; 3–7, Sidney Rigdon abiangami kobatisa mpe kopesa Molimo Mosantu; 8–12, Bilembo mpe makamwisi esalemaka na bondimi; 13–16, Basali ya Nkolo bakotia bokaboli kati na bikolo na nguya ya Molimo; 17–19, Joseph Smith azali na bafungola ya mibombamo; 20–21, Baponami bakotikala na mokolo ya boyei ya Nkolo; 22–27, Yisalaele ekobikisama.
Eteni 36
1–3, Nkolo atii loboko na Ye likolo ya Edward Partridge na nzela ya loboko ya Sidney Rigdon; 4–8, Moto nyonso oyo ayambi nsango malamu mpe bonganganzambe asengeli kobiangama kokende mpe koteya.
Eteni 37
1–4, Basantu babiangami kosangana na Ohio.
Eteni 38
1–6, Klisto akelaki biloko nyonso; 7–8, Azali na katikati ya Basantu na ye, oyo bakomona ye kala mingi te; 9–12, Mosuni nyonso ezali ya kobeba liboso na ye; 13–22, Abatelaki mboka ya elaka mpo na Basantu na ye mpo na ntango oyo mpe na boseko; 23–27, Basantu batindami kozala moko mpe kotala moko mpe mosusu lokola bandeko bandimi; 28–29, Bitumba bisakolami; 30–33, Basantu bakopesama nguya uta na likolo mpe bakokende na kati ya bikolo nyonso; 34–42, Eklezia etindami kobatela babola mpe bakeleli mpe koluka bozwi ya boseko.
Eteni 39
1–4, Basantu bazali na nguya ya kokoma bana ya Nzambe; 5–6, Koyamba nsango malamu ezali koyamba Klisto; 7–14, James Covel atindami kobatisama mpe kosala kati na elanga ya vinyo ya Nkolo; 15–21, Basali ya Nkolo basengeli koteya nsango malamu liboso ya Boyei ya Mibale; 22–24, Baoyo wana bayambi nsango malamu bakosangisama na ntango mpe na boseko.
Eteni 40
1–3, Bobangi ya minyokoli mpe mitungisi ya mokili etindaka bato kobwaka nsango malamu.
Eteni 41
1–3, Bampaka bakoyangela Eklezia na molimo ya emoniseli; 4–6, Bayekoli ya solo bakoyamba mpe bakobatela mobeko ya Nkolo; 7–12, Edward Partridge abiangami lokola episikopo mpo na Eklezia.
Eteni 42
1–10, Bampaka babiangami koteya nsango malamu, kobatisa babongwani, mpe kotonga mpe kokolisa Eklezia; 11–12, Basengeli kobiangama mpe kokulisama mpe basengeli koteya mabongisi ya nsango malamu oyo ezwami kati na makomi; 13–17, Basengeli koteya mpe kosakola na nguya ya Molimo; 18–29, Basantu bapekisami koboma, koyiba, kokosa, kolula, kosala ekobo, koloba mabe na basusu; 30–39, Mibeko oyo miyangelaka bobulisami ya biloko etiami; 40–42, Lolendo mpe goigoi ekweyisami; 43–52, Bakoni basengeli kobikisama na nzela ya kotiaka bango maboko mpe kosambela mpe na nzela ya bondimi; 53–60, Makomi esengeli kokamba Eklezia mpe esengeli kosakolama na mokili; 61–69, Esika wapi ekotongama Yelusaleme ya Sika mpe mibombamo ya bokonzi ekobimisama; 70–73, Biloko bibulisami esengeli esalelama mpo na kosunga bakambi ya Eklezia; 74–93, Mibeko miyangeli pite, bondumba, bobomi, moyibi, mpe botubeli ya masumu etiami.
Eteni 43
1–7, Bimoniseli mpe mitindo miyaka bobele na nzela ya moko oyo abiangami; 8–14, Basantu basantisami soki bazali kosala na bosantu nyonso liboso ya Nkolo; 15–22, Bampaka batindami kokende kosakola boyamboli mpe kolengela bato mpo na mokolo monene ya Nkolo; 23–28, Nkolo abiangaka bato na mongongo na Ye moko mpe na nzela ya banguya oyo ezali na mokili; 29–35, Nkoto moko ya mibu mpe bokangi ya Satana ekosalema.
Eteni 44
1–3, Bampaka basengeli kosangana na likita; 4–6, Basengeli kobongama engebene na mibeko ya mboka mpe kobatela babola.
Eteni 45
1–5, Klisto azali molobeli na biso epayi ya Tata; 6–10, Nsango malamu ezali ntoma mpo na kolengela nzela liboso ya Nkolo; 11–15, Enoka mpe bandeko na ye bayambamaki na Nkolo Ye moko; 16–23, Klisto abimisaki bilembo ya boyei na Ye lokola epesamaki likolo ya Ngomba ya Bilaya; 24–38, Nsango malamu ekozongisama, ntango ya baoyo bazali Bayuda-te ekokokisama, mpe bokono ya bonielengeni bokotondisama na mboka; 39–47, Bilembo, makamwisi, mpe Bosekwi ekoya elongo na Boyei ya Mibale; 48–53, Klisto akotelema likolo ya Ngomba ya Bilaya, mpe Bayuda bakomona mpota na maboko mpe makolo na Ye; 54–59, Nkolo akoyangela Nkoto moko ya mibu; 60–62, Profeta apesami malako ya kobanda bobongoli ya Boyokani ya Sika, na nzela ya oyo nsango ya ntina monene ekoyebisama; 63–75, Basantu batindami kosangana mpe kotonga Yelusaleme ya Sika, epayi wapi bato uta na bikolo nyonso bakoya.
Eteni 46
1–2, Bampaka basengeli kokamba makita lokola bakambami na Molimo Mosantu; 3–6, Bato oyo bazali koluka bosolo basengeli te kotiama libanda uta na misala ya elambo; 7–12, Bosenga uta na Nzambe mpe boluka kozwa makabo ya Molimo; 13–26, Litangi ya boko makabo oyo epesami; 27–33, Bakambi ya Eklezia bapesami nguya ya kososola makabo ya Molimo.
Eteni 47
1–4, John Whitmer atindami kobatela mambi ya kala ya Eklezia mpe kokoma mpo na Profeta.
Eteni 48
1–3, Basantu na Ohio basengeli kokabola biteni ya mabele na bango na bandeko na bango bandimi; 4–6, Basantu basengeli kosomba mabele, kotonga engumba, mpe kolanda toli ya basali bakambi na bango.
Eteni 49
1–7, Mokolo mpe ngonga ya boyei ya Klisto ekotikala koyebana te kino Ye akoya; 8–14, Bato basengeli koyambola, kondima nsango malamu, mpe kotosa makuli mpo na kozwa lobiko; 15–16, Libala likulisami na Nzambe; 17–21, Kolia mosuni epekisami te; 22–28, Siona ekofuluka mpe Balamani bakobimisa fulele lokola roza liboso ya Boyei ya Mibale.
Eteni 50
1–5, Milimo mingi ya lokuta epalangani bipayi nyonso na mabele; 6–9, Lisuma na mokibisi mpe na baoyo batangolami uta na Eklezia; 10–14, Bampaka bazali mpo na koteya nsango malamu na nzela ya Molimo; 15–22, Nyonso bateyi mpe bayoki basengeli kongengisama na Molimo; 23–25, Oyo elendisaka te ezali ya Nzambe te; 26–28, Basembo bazali nde bakolo biloko nyonso; 29–36, Sambo ya bapetolami eyanolami; 37–46, Klisto azali Mobateli Malamu mpe Libanga ya Yisalaele.
Eteni 51
1–8, Edward Partridge aponami koyangela bokapita mpe biloko; 9–12, Basantu basengeli kosala mimbongo na bosembo mpe kozwa kaka lolenge moko; 13–15, Basengeli kozala na ebombelo ya episikopo mpe kobongisa biloko engebene na mobeko ya Nkolo; 16–20, Ohio esengeli kozala esika ya bosangani mpo na mwa ntango moke.
Eteni 52
1–2, Likita ekoya nsima ebiangami kosalema na Missouri; 3–8, Boponami ya boko bampaka mpo na kosalaka mobembo elongo esalemi; 9–11, Bampaka basengeli koteya nini bapostolo na baprofeta bakomaki; 12–21, Baoyo bangengisami na Molimo babimisaka mbuma ya masanzoli mpe bwania; 22–44, Bampaka ya ndenge na ndenge baponami kokende koteya nsango malamu wana ezali bango kosala mobembo na Missouri mpo na likita yango.
Eteni 53
1–3, Libiangi mpe boponami ya Sidney Gilbert kati na Eklezia ezali ya kokulisama lokola mpaka; 4–7, Asengeli lisusu kosala lokola mosali ya episikopo.
Eteni 54
1–6, Basantu basengeli kobatela liyokani ya nsango malamu mpo na kolakisa boboto; 7–10, Basengeli kozala na bompikiliki kati na mokakatano.
Eteni 55
1–3, William W. Phelps abiangami mpe aponami mpo na kobatisama, mpo na kokulisama mpaka, mpe koteya nsango malamu; 4, Asengeli lisusu kokoma buku mpo na bana mike kati na biteyelo ya Eklezia; 5–6, Asengeli kokende mobembo na Missouri, wapi ekozala esika ya misala na ye.
Eteni 56
1–2, Basantu basengeli kokamata ekulusu na bango mpe kolanda Nkolo mpo na kozwa lobiko; 3–13, Nkolo nde apesaka mibeko mpe alongolaka yango, mpe baoyo batosaka te bakobwakama; 14–17, Lisuma epayi ya bato na bozwi oyo basalisaka babola te, mpe lisuma epayi ya babola baoyo kani mitema mibukama te; 18–20, Bapambolami ezali babola oyo bazali peto na mitema, mpo bakosangola libula ya mabele.
Eteni 57
1–3, Independence, na Missouri, ezali esika mpo na Engumba ya Siona mpe tempelo; 4–7, Basantu basengeli kosomba biteni ya mabele mpe kozwa mabula kati na etuka wana; 8–16, Sidney Gilbert asengeli kotia ebombelo, William W. Phelps asengeli kozala monyati buku, mpe Oliver Cowdery asengeli kobelemisa biloko mpo na kobimisa buku.
Eteni 58
1–5, Baoyo batiaka molende kati na mikakatano bakolatisama motole na nkembo; 6–12, Basantu basengeli komilengela mpo na libala ya Mwana ya mpate mpe mpo na elambo ya Nkolo; 13–18, Baepisikopo bazali basambisi na Yisalaele; 19–23, Basantu basengeli kotosa mibeko ya mboka; 24–29, Bato basengeli kosalela nguya na bango ya boponi mpo na kosala bolamu; 30–33, Nkolo apesaka mpe alongolaka mibeko; 34–43, Mpo na koyambola, bato basengeli kotubela mpe kotika masumu na bango libela; 44–58, Basantu basengeli kosomba libula na bango mpe kosangana na Missouri; 59–65, Nsango malamu esengeli koteyama epayi na ekelamo nyonso.
Eteni 59
1–4, Basantu ya sembo na Siona bakopambolama; 5–8, Basengeli kolinga mpe kosalela Nkolo mpe kobomba mitindo na ye; 9–19, Na kosantisaka mokolo ya Nkolo, Basantu bazali kopambolama na mosuni mpe na molimo; 20–24, Basembo balakelami kimia na mokili oyo mpe bomoi ya seko na mokili ezali koya.
Eteni 60
1–9, Bampaka basengeli koteya nsango malamu kati na mangomba ya bato ya nkuna; 10–14, Basengeli kolekisa ntango na bango mpamba te, soki mpe kokunda talanta na bango te; 15–17, Bakoki kosokola makolo na bango lokola litatoli na baoyo wana baboyaka nsango malamu.
Eteni 61
1–12, Nkolo asili kobimisa mokano ya bobebisami boike likolo ya mai; 13–22, Mai malakelamaki mabe na Yoane, mpe mobebisi ananaka likolo ya etando na yango; 23–29, Boko bato bazali na nguya ya kopamela mai; 30–35, Bampaka basengeli kokende mobembo mibale na mibale mpe koteya nsango malamu; 36–39, Basengeli komilengela mpo na boyei ya Mwana ya Moto.
Eteni 62
1–3, Matatoli ezali kokomama na lola; 4–9, Bampaka basengeli kokende mobembo mpe koteya engebene na bwania na bango mpe lokola batindami na Molimo.
Eteni 63
1–6, Mokolo ya nkele ekoya likolo ya bato ya nkuna; 7–12, Bilembo biyaka na nzela ya bondimi; 13–19, Bato na mposa ya ekobo kati na motema bakowangana bondimi mpe bakobwakama kati na liziba ya moto; 20, Basembo bakozwa libula ya kosangola na mabele ebongwami; 21, Lisolo mobimba ya makambo malekaki likolo ya Ngomba ya Bobongwani naino esili kobimisama te; 22–23, Bato na botosi bazwi mibombamo ya bokonzi; 24–31, Mabula esengeli kosombama kati na Siona; 32–35, Nkolo asakoli bitumba, mpe bato na nkuna babomi bato na nkuna; 36–48, Basantu basengeli kosangana na Siona mpe kopesa misolo mpo na kotonga yango; 49–54, Mapamboli malakami solo epayi ya basembo na Boyei ya Mibale, na Bosekwi, mpe na Nkoto moko ya mibu; 55–58, Oyo ezali mokolo ya bokebisi; 59–66, Nkombo ya Nkolo ekamatani mpamba na baoyo wana bazali kosalela yango na kozangaka likoki.
Eteni 64
1–11, Basantu batindami kolimbisana moko mpe mosusu, mbele lisumu monene etikala na bango; 12–22, Baoyo bazangi boyamboli basengeli komemama liboso ya Eklezia; 23–25, Ye oyo azali mopesi ya moko na zomi akozikisama te na boyei ya Nkolo; 26–32, Basantu bakebisami na banyongo; 33–36, Batomboki bakokatama uta na Siona; 37–40, Eklezia ekosambisa bikolo; 41–43, Siona ekofuluka.
Eteni 65
1–2, Bafungola ya bokonzi ya Nzambe epesami epayi ya moto na mabele, mpe ntina ya nsango malamu ekolonga; 3–6, Bokonzi ya lola ya nkoto moko ya mibu ekoya mpe kokuta bokonzi ya Nzambe na mabele.
Eteni 66
1–4, Liyokani ya libela ezali litondi ya nsango malamu; 5–8, Bampaka basengeli koteya, kotatola, mpe koluka ntina ya liloba elongo na bato ya mokili; 9–13, Kosalela kati na bosembo epesaka solo mpenza nzela ya kosangola libula ya bomoi ya seko.
Eteni 67
1–3, Nkolo ayokaka sambo ya bampaka na Ye mpe akengelaka bango; 4–9, Atielaka kutu moto na bwania koleka ntembe ete akoka komekola ata mwa ndambo moke ya bimoniseli na Ye; 10–14, Bampaka ya sembo bakopesama bomoi na Molimo mpe bakomona elongi ya Nzambe.
Eteni 68
1–5, Maloba ya bampaka ntango efulami na Molimo Mosantu ezali makomi; 6–12, Bampaka basengeli koteya mpe kobatisa, mpe bilembo bikolanda bandimi ya solo; 13–24, Mobotami ya yambo na kati ya bana ya Alona akoki kosala lokola Episikopo Mokambi (elingi koloba, kozala na bafungola ya bokambi lokola episikopo) na nse ya boyangeli ya Bokambi ya Yambo; 25–28, Baboti batindami koteya nsango malamu epayi ya bana na bango; 29–35, Basantu basengeli kotosa Saba, kosala mosala na molende, mpe kosambela.
Eteni 69
1–2, John Whitmer asengeli kokende elongo na Oliver Cowdery na Missouri; 3–8, Asengeli lisusu koteya mpe kosangisa, kokoma mpo na kobomba, mpe kokoma mambi ya kala.
Eteni 70
1–5, Bakapita baponami mpo na kobimisa bimoniseli; 6–13, Baoyo basalaka na eteni ya makambo ya molimo babongi na lifuta na bango; 14–18, Basantu basengeli kokokana na biloko ya ntango.
Eteni 71
1–4, Joseph Smith mpe Sidney Rigdon batindami kosakola nsango malamu; 5–11, Banguna ya Basantu bakoyokisama nsoni.
Eteni 72
1–8, Bampaka basengeli kotinda mbando ya bokapita na bango epayi ya episikopo; 9–15, Episikopo akobatela ebombelo mpe akobatela babola mpe bakeleli; 16–26, Baepisikopo basengeli kotatola bolongobani ya bampaka.
Eteni 73
1–2, Bampaka basengeli kokoba koteya; 3–6, Joseph Smith mpe Sidney Rigdon basengeli kokoba kobongola Biblia kino ekosila.
Eteni 74
1–5, Paulo apesi toli na Eklezia ya mikolo na ye ete babatela mibeko ya Mose te; 6–7, Bana mike bazali basantu mpe basantisami na nzela ya Bomikabi.
Eteni 75
1–5, Bampaka ya sembo oyo bateyaka nsango malamu bakozwa bomoi ya seko; 6–12, Sambela mpo na kozwa Molendisi, oyo alakisaka makambo nyonso; 13–22, Bampaka bakosambisa baoyo babwakaka maloba na bango; 23–36, Mabota ya bamisionele esengeli kozwa lisalisi uta na Eklezia.
Eteni 76
1–4, Nkolo azali Nzambe; 5–10, Mibombamo ya bokonzi ekobimisama na basembo nyonso; 11–17, Bato nyonso bakolamuka uta na lilita na bosekwi ya bato ya sembo to bosekwi ya basembo te; 18–24, Bafandi ya mikili mingi bazali bana mibali mpe bana basi babotami ya Nzambe na nzela ya Bomikabi ya Yesu Klisto; 25–29, Anjelu moko ya Nzambe akweyaki mpe akomaki zabulu; 30–49, Bana ya ebomi bayokaka mpasi ya bokweisami ya seko; nyonso basusu bazwaka boko motuya ya lobiko; 50–70, Nkembo mpe lifuta ya bazalani banetolami na bokonzi ya selesitiale elimbolami; 71–80, Baoyo wana bakosangola libula ya bokonzi ya teresitiale balimbolami; 81–113, Ezalela ya baye wana kati na nkembo ya telesitiale, teresitiale, mpe selesitiale elimbolami; 114–119, Basembo bakoki komona mpe kososola mibombamo ya bokonzi ya Nzambe na nguya ya Molimo Mosantu.
Eteni 77
1–4, Banyama ezali na milimo mpe ekofanda na bisika ya bomengo ya seko; 5–7, Mabele oyo ezali na molai ya ntango ya mibu 7.000; 8–10, Banjelu ya ndenge na ndenge bazongisi nsango malamu mpe bazali kosala mosala na mabele; 11, Bokangi ya nkoto monkama moko na nkama minei na minei; 12–14, Klisto akoya na ebandeli ya mobu ya sambo ya mibu nkoto sambo; 15, Baprofeta mibale bakobimisama mpo na libota ya Bayuda.
Eteni 78
1–4, Basantu basengeli kobongisa mpe kotia ebombelo moko; 5–12, Kosalela bozwi na bango na bwania ekomema na lobiko; 13–14, Eklezia esengeli kozala nsomi na banguya ya nse; 15–16, Mikaele (Adama) asalelaka na nse ya bokambami ya Moko Mosantu (Klisto); 17–22, Basembo bapambolami, mpo bakosangola biloko nyonso na libula.
Eteni 79
1–4, Jared Carter abiangami koteya nsango malamu na Molendisi.
Eteni 80
1–5, Stephen Burnett mpe Eden Smith babiangami koteya na esika nyonso wapi baponi.
Eteni 81
1–2, Bafungola ya bokonzi ezali ntango nyonso na Bokambi ya Yambo; 3–7, Soki Frederick G. Williams azali sembo kati na mosala na ye, akozwa bomoi ya seko.
Eteni 82
1–4, Wapi mingi epesami, mingi esengami; 5–7, Molili ezali koyangela kati na mokili; 8–13, Nkolo asengisami ntango tosalaka oyo Ye alobi; 14–18, Siona esengeli kokola na kitoko mpe bosantu; 19–24, Moto moko moko asengeli koluka litomba ya moto oyo azali penepene na ye.
Eteni 83
1–4, Basi mpe bana bazali na litomba ya kosenga ete mibali mpe batata na bango basunga bango; 5–6, Bakufeli mibali mpe bana bitike bazali na litomba ya kosenga ete Eklezia esunga bango.
Eteni 84
1–5, Yelusaleme ya Sika mpe tempelo ekotongama na Missouri; 6–17, Molongo ya bana kati na bonganganzambe uta na Mose kino na Adama mopesami; 18–25, Bonganganzambe ya monene ezali na lifungola ya boyebi ya Nzambe; 26–32, Bonganganzambe ya moke ezali na lifungola ya lisalisi ya banjelu mpe ya nsango malamu ya bolengeli; 33–44, Bato bazwaka bomoi ya seko na nzela ya ndai mpe liyokani ya bonganganzambe; 45–53, Molimo ya Klisto mongengisaka mayele ya bato, mpe mokili ezali kolala kati na masumu; 54–61, Basantu basengeli kotatola na ntina ya biloko oyo bazwi; 62–76, Basengeli koteya nsango malamu, mpe bilembo bikolanda; 77–91, Bampaka basengeli kokende mobembo na kokamataka libenga to liboke te, mpe Nkolo akotala bosenga na bango; 92–97, Bolozi mpe bolakeli mabe ezali koyela baoyo wana babwakaka nsango malamu; 98–102, Loyembo ya sika ya bosikoli ya Siona epesami; 103–110, Tika moto na moto asala na esika ya mosala na ye moko mpe asala na libiangi na ye moko; 111–120, Basali ya nkolo basengeli kosakola bonsomo ya libebi ya mikolo ya nsuka.
Eteni 85
1–5, Mabula ya kosangola na Siona esengeli kozwama na nzela ya bobulisi; 6–12, Moto moko ya bokasi mpe nguya akopesa Basantu libula na bango ya kosangola na Siona.
Eteni 86
1–7, Nkolo apesi ndimbola ya lisese ya masangu mpe matiti mabe; 8–11, Alimboli mapamboli ya bonganganzambe epayi na baoyo wana bazali basangoli mabula na kotalaka mobeko engebene na mosuni.
Eteni 87
1–4, Etumba esakolami liboso esalema katikati na Bikolo ya Nordi mpe Bikolo ya Sudi; 5–8, Bolozi ekokweya likolo ya bafandi ya mabele.
Eteni 88
1–5, Basantu ya sembo bakozwa Molendisi wana, oyo azali elaka ya bomoi ya seko; 6–13, Biloko nyonso eyangelami mpe bikonzami na Pole ya Klisto; 14–16, Bosekwi eyaka na nzela ya Bosikoli; 17–31, Botosi na mobeko ya selesitiale, ya teresitiale, mpe ya telesitiale elengelaka bato mpo na babokonzi mpe nkembo oyo etangami na kolandaka molongo oyo; 32–35, Baoyo balingi kotikala na masumu bakotikala kaka na mbindo; 36–41, Babokonzi nyonso ikonzami na mobeko; 42–45, Nzambe apesaki mobeko na biloko nyonso; 46–50, Moto akokoma na bososoli kutu ya Nzambe; 51–61, Lisese ya moto oyo atindaki basali na ye kati na elanga mpe oyo alandaki kotalaka bango moko nsima na mosusu; 62–73, Bobelema penepene na Nkolo, mpe bokomona elongi na Ye; 74–80, Bosantisama mpe boteyana moko mpe mosusu malongi ya bokonzi; 81–85, Moto nyonso oyo asili kokebisama asengeli kokebisa moninga ya penepene na ye; 86–94, Bilembo, mibulungano ya biloko, mpe banjelu bazali kolengela nzela ya boyei ya Nkolo; 95–102, Kelelo ya banjelu ebiangi bakufi kolamuka engebene na molongo na bango; 103–116, Kelelo ya banjelu esakoli bozongisi ya nsango malamu, bokwei ya Babiloni, mpe etumba ya Nzambe monene; 117–126, Boluka boyekoli, bobongisa ndako moko ya Nzambe (tempelo), mpe bomilatisa na mokangano ya bolingani; 127–141, Molongo ya Eteyelo ya Baprofeta molimbolami, elongo na bokuli ya bosukoli makolo.
Eteni 89
1–9, Kosalela vinyo, masanga ya makasi, likaya, mpe emeli ya moto- moto epekisami; 10–17, Matiti, mbuma, mosuni, mpe masangu epesami mpo na bilei ya moto mpe ya banyama; 18–21, Botosi na mobeko ya nsango malamu, kobakisaka mpe Liloba ya Bwania, ememaka mapamboli ya ntango mpe ya molimo.
Eteni 90
1–5, Bafungola ya bokonzi epesami epayi ya Joseph Smith mpe na nzela na ye epayi ya Eklezia; 6–7, Sidney Rigdon mpe Frederick G. Williams basengeli kosalela kati na Bokambi ya Yambo; 8–11, Nsango malamu esengeli koteyama na ekolo ya Yisalaele, na baoyo bazali Bayuda-te, mpe na Bayuda, moto na moto koyokaka yango na monoko na ye moko; 12–18, Joseph Smith mpe bapesi toli na ye basengeli kotia Eklezia na molongo; 19–37, Bato ya ndenge na ndenge bapesami toli na Nkolo mpo na kotambola na alima mpe mpo na kosalela kati na bokonzi na Ye.
Eteni 91
1–3, Makomi ya Apokrifi na ndambo na yango ya mingi ebongolami malamu kasi na kati ezali na bobakisi na maboko ya bato oyo ezali solo te; 4–6, Ezali na litomba epayi na baoyo wana bangengisami na Molimo.
Eteni 92
1–2, Nkolo apesi motindo oyo motali bondimami na molongo ya bomoko.
Eteni 93
1–5, Nyonso oyo bazali sembo bakomona Nkolo; 6–18, Yoane apesaki litatoli ete Mwana ya Nzambe akolaki uta ngolu na ngolu kino Ye azwaki litondi ya nkembo ya Tata; 19–20, Basembo, oyo bazali kokola uta ngolu na ngolu, bakozwa lisusu litondi na Ye; 21–22, Baoyo babotami na nzela ya Klisto bazali nde Eklezia ya Babotami ya yambo; 23–28, Klisto azwaki litondi ya bosolo nyonso, mpe na nzela ya botosi moto akoki kosala mpe lokola; 29–32, Na ebandeli moto azalaki na Nzambe; 33–35, Biloko ya bokeli ezali seko, mpe moto akoki kozwa litondi ya bosepeli kati na Bosekwi; 36–37, Nkembo ya Nzambe ezali mayele; 38–40, Bana bazali na ekweyeli te na miso ya Nzambe mpo na bosikoli ya Klisto; 41–53, Bandeko bakambi batindami kotia mabota na bango na molongo.
Eteni 94
1–9, Nkolo apesi motindo mpo na oyo etali botongi ya ndako moko mpo na mosala ya Bokambi; 10–12, Ndako mpo na bonyati ya buku esengeli etongama; 13–17, Boko mabula ya kosangola epesami.
Eteni 95
1–6, Basantu bapesami etumbu mpo bamipesaki te na kotongaka ndako ya Nkolo; 7–10, Nkolo azali na mposa ya kosalela ndako na Ye mpo na kolatisa bato na Ye na nguya uta na likolo; 11–17, Ndako yango esengeli kobulisama lokola esika ya kokumbamela mpe lokola eteyelo ya Bapostolo.
Eteni 96
1, Likonzi ya Siona ya Kirtland esengeli eyeisama makasi; 2–5, Episikopo asengeli kokabola mabula ya kosangola mpo na Basantu; 6–9, John Johnson asengeli kozala moto moko ya molongo ya bomoko.
Eteni 97
1–2, Mingi ya Basantu na Siona (Etuka ya Jackson, Missouri) bapambolami mpo na bosembo na bango; 3–5, Parley P. Pratt apesami longonia mpo na mosala na ye na eteyelo ya Siona; 6–9, Baoyo batosaka mayokani na bango bandimami na Nkolo; 10–17, Ndako esengeli etongama na Siona kati na oyo wapi bapeto na mitema bakomona Nzambe; 18–21, Siona ezali ya bapeto na mitema; 22–28, Siona ekobika na fimbo ya Nkolo soki azali sembo.
Eteni 98
1–3, Mitungisi ya Basantu ekozala mpo na bolamu na bango; 4–8, Basantu basengeli kosunga mobeko mokonzi ya mboka; 9–10, Bato ya sembo, bwania, mpe malamu basengeli kosungama mpo na misala ya mbulamatari; 11–15, Baoyo batikaka bomoi na bango na ntina ya Nkolo bakozwa bomoi ya seko; 16–18, Boboya bitumba mpe bosakola kimia; 19–22, Basantu na Kirtland bapamelami mpe batindami koyambola; 23–32, Nkolo abimisi mitindo na ye na ntina ya minyoko mpe mitungisi oyo etiami na makasi likolo ya bato na Ye; 33–38, Etumba ekoki kozala malamu bobele ntango Nkolo atindi yango; 39–48, Basantu basengeli kolimbisa banguna na bango, baoyo, soki bayamboli, bakobika na bobekoli ya Nkolo.
Eteni 99
1–8, John Murdock abiangami kosakola nsango malamu, mpe baoyo wana bakoyamba ye bayambi Nkolo mpe bakozwa boboto.
Eteni 100
1–4, Joseph mpe Sidney basengeli koteya nsango malamu mpo na lobiko ya milimo; 5–8, Oyo basengeli koloba ekopesama na bango se na ngonga yango mpenza; 9–12, Sidney asengeli kozala molobeli mpe Joseph asengeli kozala mobimisi mpe makasi na litatoli; 13–17, Nkolo akotelemisa bato moko ya peto, mpe bato ya botosi bakobikisama.
Eteni 101
1–8, Basantu bapesami etumbu mpo na bobuki mobeko na bango; 9–15, Bosiliki ya Nkolo ekokweya likolo ya bikolo, kasi bato na Ye bakosangisama mpe bakolendisama; 16–21, Siona mpe makonzi na ye makotongama; 22–31, Lolenge ya bomoi na ntango ya Nkoto moko ya mibu elimbolami; 32–42, Basantu bakopambolama mpe bakopesama lifuta na ntango wana; 43–62, Lisese ya moto ya lokumu mpe nzete ya bilaya ezali elilingi ya mitungisi mpe bosikoli ya nsuka ya Siona; 63–75, Basantu basengeli kokoba kosangana esika moko; 76–80, Nkolo atiaki Mobeko likonzi ya Etazini ya Amerika; 81–101, Basantu basengeli kobondela mpo bafutama mbeba bazwaki, engebene na lisese ya mwasi mpe mosambisi ya nkuna.
Eteni 102
1–8, Lisanga monene ebiangami mpo na kobongisa kokoso monene oyo ebimaka kati na Eklezia; 9–18, Nzela ya kosalela epesama mpo na koyoka masambisi; 19–23, Mokambi ya lisanga nde ayebisaka ekateli; 24–34, Nzela ya kolanda mpo na kotuba etiami.
Eteni 103
1–4, Mpo na nini Nkolo apesaki nzela ete Basantu banyokolama na Etuka ya Jackson; 5–10, Basantu bakolonga soki babombi mitindo; 11–20, Bosikoli ya Siona ekoya na nguya, mpe Nkolo akokende liboso ya bato na Ye; 21–28, Basantu basengeli kosangana na Siona, mpe baoyo wana bakotika bomoi na bango bakozwa yango lisusu; 29–40, Bandeko bandimi ya ndenge na ndenge babiangami kobongisa Camp ya Siona mpe kokende na Siona; balakelami elonga soki bazali sembo.
Eteni 104
1–10, Basantu oyo bakobuka mibeko ya molongo ya bomoko bakolakelama mabe; 11–16, Nkolo apesaka Basantu na Ye na lolenge na Ye moko; 17–18, Mobeko ya nsango malamu mopesaka malako mpo na lolenge ya kobatela babola; 19–46, Bokapita mpe mapamboli ya bandeko bandimi ya ndenge na ndenge elakisami; 47–53, Molongo ya bomoko na Kirtland mpe molongo na Siona esengeli kosala na bokabwani; 54–66, Ebombelo ya bule ya bomengo ya Nkolo etiami mpo na bonyatami buku ya makomi; 67–77, Ebombelo monene ya molongo ya bomoko esengeli kosala engebene na oyo endimami na nyonso; 78–86, Baoyo bazali wana kati na molongo ya bomoko basengeli kofuta banyongo na bango nyonso, mpe Nkolo akokangola bango uta na boumbu ya mosolo.
Eteni 105
1–5, Siona ekotongama na boyokani na mobeko ya selesitiale; 6–13, Eleko ya bosikoli ya Siona epusani liboso mpo na ntango moke; 14–19, Nkolo akobunda bitumba ya Siona; 20–26, Basantu basengeli kozala na bwania mpe kotia lofundo na misala ya bikamwa te ntango basangani; 27–30, Mabele na Jackson mpe bituka ekangemi esengeli kosombama; 31–34, Bampaka basengeli kozwa dotasio na ndako ya Nkolo na Kirtland; 35–37, Basantu oyo babiangami mpe baponami bakosantisama; 38–41, Basantu basengeli kotombola bendele ya kimia epayi ya mokili.
Eteni 106
1–3, Warren A. Cowdery abiangami lokola mokambi ya eklezia na mboka na ye; 4–5, Boyei ya Mibale ekokuta bana ya pole na mpwasa lokola moyibi te; 6–8, Mapamboli minene malandaka kosalela mosala ya sembo kati na Eklezia.
Eteni 107
1–6, Ezali na bonganganzambe mibale: bonganzambe ya Melikisedeki mpe ya Alona; 7–12, Baoyo wana bazali na Bonganganzambe ya Melikisedeki bazali na nguya ya kosala na lotomo nyonso kati na Eklezia; 13–17, Bopisikopo eyangelaka likolo ya Bonganganzambe ya Alona, boye epesaka makuli ya libanda; 18–20, Bonganganzambe ya Melikisedeki ezali na bafungola ya mapamboli nyonso ya molimo; Bonganganzambe ya Alona ezali na bafungola ya lisalisi ya banjelu; 21–38, Bokambi ya Yambo, Bazomi na mibale, mpe Bantuku sambo basali masanga makoki ya boyangeli, baoyo kani bikateli bikamatami na bomoko mpe na bosembo; 39–52, Molongo ya bonkoko motiami uta na Adama kino na Noa; 53–57, Basantu ya kala bayanganaki na Adama-ondi-Amana, mpe Nkolo amonanaki na bango; 58–67, Bazomi na mibale basengeli kotia bakambi ya eklezia na molongo; 68–76, Baepisikopo basalaka lokola basambisi ya nyonso na Yisalaele; 77–84, Bokambi ya Yambo mpe Bazomi na mibale basali ndako ya bosambisi ya likolo koleka kati na Eklezia; 85–100, Bakambi ya bonganganzambe bayangelaka masanga makoki na bango moko moko.
Eteni 108
1–3, Lyman Sherman alimbisami uta na masumu na ye; 4–5, Asengeli kotangama elongo na bampaka bakambi ya Eklezia; 6–8, Abiangami koteya nsango malamu mpe kolendisa bandeko na ye bandimi.
Eteni 109
1–5, Tempelo ya Kirtland etongamaki lokola esika wapi Mwana ya Moto akutanaka na bato; 6–21, Esengeli ezala ndako moko ya losambo, ya kokila, ya bondimi, ya boyekoli, ya nkembo, mpe ya molongo, mpe ndako moko ya Nzambe; 22–33, Tika ete bato bazangi boyamboli oyo bazali kotelemela bato ya Nkolo basambwisama; 34–42, Tika ete Basantu bakende na nguya kosangisa basembo na Siona; 43–53, Tika ete Basantu bakangolama uta na makambo ya nsomo oyo Nkolo akosopa likolo ya bato ya nkuna na mikolo ya nsuka; 54–58, Tika ete bikolo mpe bato mpe Baeklezia bilengelama mpo na nsango malamu; 59–67, Tika ete Bayuda, Balamani, mpe Yisalaele nyonso basikolama; 68–80, Tika ete Basantu balatisama mitole ya nkembo mpe lokumu mpe bazwa lobiko ya seko.
Eteni 110
1–10, Yehova Nkolo amonisami na nkembo mpe andimi Tempelo ya Kirtland lokola ndako na Ye; 11–12, Mose mpe Eliyasi bamonani moto na moto na ntango na ye mpe bapesi bafungola mpe bileko na bango; 13–16, Eliya azongi mpe apesi bafungola ya eleko na ye lokola elakamaki na Malaki.
Eteni 111
1–5, Nkolo atalelaka mposa ya ntango ya basali na Ye; 6–11, Akosalela Siona na ngolu nyonso mpe akobongisa makambo nyonso mpo na bolamu ya basali na Ye.
Eteni 112
1–10, Bazomi na mibale basengeli kotinda nsango malamu mpe kotombola mongongo ya bokebisi epayi na bikolo nyonso mpe bato nyonso; 11–15, Basengeli kokamata ekulusu na bango, kolanda Yesu, mpe koleisa mpate na Ye; 16–20, Baoyo wana bakoyamba Bokambi ya Yambo bayambi Nkolo; 21–29, Molili mozipi mabele, mpe bobele baoyo wana bandimi mpe babatisami bakobikisama; 30–34, Bokambi ya Yambo mpe Bazomi na mibale bazali na bafungola ya eleko ya litondi ya ntango.
Eteni 113
1–6, Mobimba ya Yisai, lintongo uta na yango, mpe ntina ya Yisai emonisami; 7–10, Mintika mipanzami ya Siona ezali na makoki ya kozwa bonganganzambe mpe mibiangami kozonga epayi ya Nkolo.
Eteni 114
1–2, Bibonga ya kosala mosala na Eklezia oyo esimbami na baoyo wana bazali sembo te ekopesama na basusu.
Eteni 115
1–4, Nkolo apesi eklezia na Ye nkombo Eklezia ya Yesu Klisto ya Basantu ba Mikolo mya Nsuka; 5–6, Siona mpe makonzi na ye ezali bisika ya bobateli mpe ekimelo mpo na Basantu; 7–16, Basantu batindami kotonga ndako ya Nkolo na Far West; 17–19, Joseph Smith azali na bafungola ya bokonzi ya Nzambe likolo ya mabele.
Eteni 116
Eteni 117
1–9, Basali ya Nkolo basengeli kolula biloko ya ntango te, mpo “bozwi ezali nini epayi ya Nkolo?”; 10–16, Basengeli kotika lokenzi ya molimo, mpe mabonza na bango ekozala ya bule na miso ya Nkolo.
Eteni 118
1–3, Nkolo akopesa mpo na bozangi ya mabota ya Bazomi na mibale; 4–6, Bibonga oyo etikalaki mpamba kati na Bazomi na mibale bizwi bato.
Eteni 119
1–5, Basantu basengeli kofuta nyonso oyo eleki likolo ya bozwi na bango mpe nsima kopesa, lokola eteni yoko kati na zomi, yoko eteni kati na zomi ya mosolo na bango oyo ezwami likolo nsima ya eleko ya mobu moko; 6–7, Kosalaka na lolenge oyo ekosantisa mboka ya Siona.
Eteni 120
Eteni 121
1–6, Profeta abondeli Nkolo mpo na Basantu oyo bazali na mpasi; 7–10, Nkolo apesi ye maloba ya kimia; 11–17, nyonso oyo bazali kofunda bato ya Nkolo na lokuta ete babuki mibeko balakelami mabe; 18–25, Bakozala na makoki te mpo na kozwa bonganganzambe mpe bakokweisama; 26–32, Bimoniseli ya nkembo malakelami na baoyo wana bakoyika mpiko lokola bilombe; 33–40, Ntina nini mingi babiangami kasi moke kaka baponami; 41–46, Bonganganzambe ekoki kosalema bobele kati na bosembo.
Eteni 122
1–4, Nsuka nyonso ya mabele ekoluka koyeba nkombo ya Joseph Smith; 5–7, Makama mpe mpasi na ye nyonso ekopesa ye mayele mpe ekozala mpo na bolamu na ye; 8–9, Mwana ya Moto akitaki na nse na bango nyonso.
Eteni 123
1–6, Basantu basengeli kosangisa makomi mpe kobimisa buku ya lisolo ya bolozi mpe minyokoli na bango; 7–10, Molimo se moko oyo motiaki biyambayamba ya lokuta momemi lisusu monyokoli ya Basantu; 11–17, Mingi na kati ya mangomba nyonso ya bokabwani bakoyamba bosolo mokolo moko.
Eteni 124
1–14, Joseph Smith atindami kosala yoko bosakoli ya lipombo ya nsango malamu epayi ya mokambi ya Etazini ya Amerika, bakambi ya bituka, mpe bakambi ya bikolo nyonso; 15–21, Hyrum Smith, David W. Patten, Joseph Smith Tata, mpe mingi basusu na kati ya bato na bomoi mpe bakufi bapambolami mpo na bokolongonu mpe bolamu na bango; 22–28, Basantu batindami kotonga ndako ya koyamba bapaya mpe tempelo yoko na Nauvoo; 29–36, Ebatisi mpo na bakufi esengeli kosalema kati na batempelo; 37–44, Bato ya Nkolo batongaka ntango nyonso batempelo mpo na kosala makuli masantu; 45–55, Basantu bapesami mokalo ya kotika kotonga tempelo na Etuka ya Jackson na ntina ya minyokoli ya banguna na bango; 56–83, Malako epesami mpo na kotonga Ndako ya Nauvoo; 84–96, Hyrum Smith abiangami kozala nkoko, kozwa bafungola, mpe kozala na esika ya Oliver Cowdery; 97–122, William Law mpe bato mosusu bapesami toli mpo na oyo etali misala na bango; 123–145, Bakambi minene mpe ya mboka baponami, elongo na misala na bango mpe masanga makoki na bango.
Eteni 125
1–4, Basantu basengeli kotonga bingumba mpe kosangana na makonzi ya Siona.
Eteni 126
1–3, Brigham Young apesami longonia mpo na misala na ye mpe balongoli ye mokumba ya kokende mobembo bipayi na bipayi na mikolo mikoya nsima.
Eteni 127
1–4, Joseph Smith asepeli kati na monyokoli mpe mokakatano; 5–12, Masolo ya makomi etali ebatisi mpo na bakufi esengeli kokomama.
Eteni 128
1–5, Kalaki ya lingomba mpe kalaki monene ya eklezia mobimba basengeli kotatola mosala mpenza ya ebatisi mpo na bakufi; 6–9, Masolo ya makomi na bango ezali solo mpe makangami na mabele mpe na lola; 10–14, Liziba ya libatisi ezali elilingi ya lilita; 15–17, Eliya azongisi nguya oyo etali libatisi mpo na bakufi; 18–21, nyonso ya bafungola, nguya, mpe makoki ya bileko ya ntango ya kala ezongisami; 22–25, Nsango ya bosepeli mpe ya nkembo eyebisami mpo na bato bazali na bomoi mpe bakufi.
Eteni 129
1–3, Na lola ezali na banzoto esekwa mpe na banzoto ya molimo; 4–9, Bafungola epesami na nzela ya oyo wapi bantoma uta na ngambo mosusu ya elamba ya bozipi bakoki koyebana malamu.
Eteni 130
1–3, Tata mpe Mwana bakoki komonana na bomoto mpenza epayi ya bato; 4–7, Banjelu bafandaka na etando ya selesitiale; 8–9, Mabele ya selesitiale ekozala Ulima mpe Tumima monene; 10–11, Libanga ya mpembe epesami na moto nyonso oyo akoti na mokili ya selesitiale; 12–17, Ntango ya Boyei ya Mibale ebimisami te na Profeta; 18–19, Mayele oyo ezwami na bomoi oyo makolamuka elongo na biso na Bosekwi; 20–21, Mapamboli nyonso eyaka na nzela ya botosi na mobeko; 22–23, Tata mpe Mwana bazali na nzoto ya mosuni mpe ya mikuwa.
Eteni 131
1–4, Libala ya selesitiale ezali na ntina monene mpo na konetolama na lola ya likolo koleka; 5–6, Lolenge boni bato bakangemi mpo na bomoi ya seko elimbolami; 7–8, Molimo nyonso esalemi na biloko soki nini.
Eteni 132
1–6, Bonetolami ezwami na nzela ya liyokani ya sika mpe ya libela; 7–14, Bionga mpe masengami ya liyokani wana etiami; 15–20, Libala ya selesitiale mpe kokoba ya libota kati na bomoko epesi bato makoki ya kokoma banzambe; 21–25, Nzela ya moke mpe ya nkaka ekambaka na bomoi ya seko; 26–27, Mobeko mopesami mpo na oyo etali kotuka Molimo Mosantu; 28–39, Bilaka ya bobakisami ya seko mpe bonetolami epesami na baprofeta mpe Basantu na bikeke nyonso; 40–47, Joseph Smith apesami nguya ya kotia elembo mpe ya kokanga na mabele mpe na lola; 48–50, Nkolo akangi likolo na ye bonetolami na ye; 51–57, Emma Smith apesami toli ya kozala sembo mpe solo; 58–66, Mibeko oyo mikambaka mabala na bolongani ebele epesami.
Eteni 133
1–6, Basantu batindami komilengela mpo na Boyei ya Mibale; 7–16, Bato nyonso batindami kokima Babiloni, koya na Siona, mpe komilengela mpo na mokolo monene ya Nkolo; 17–35, Akotelema likolo ya Ngomba Siona, mikili ekokoma se mboka moko, mpe mabota mabunga ya Yisalaele makozonga; 36–40, Nsango malamu ezongisamaki na nzela ya Joseph Smith mpo na koteyama na mokili mobimba; 41–51, Nkolo akokita na nse mpo na kobekola bato ya nkuna; 52–56, Ekozala mobu ya basikoli na Ye; 57–74, Nsango malamu esengeli kokende bipayi na bipayi mpo na kobikisa Basantu mpe mpo na kobekola bato ya nkuna.
Eteni 134
1–4, Bambulamatari basengeli kobatela bonsomi ya makanisi ya motema mpe bondimi mpe ya bokumbameli; 5–8, Moto nyonso asengeli kosunga mbulamatari na bango mpe kozala na mokumba ya komemia mpe kotosa mobeko; 9–10, Mangomba ya biyamba esengeli kozala na nguya ya kosala lokola bakonzi ya leta te; 11–12, Bato balongisami na kosambaka mpo na bango moko mpe mpo na bozwi na bango.
Eteni 135
1–2, Joseph mpe Hyrum bakufaki bamartiru na Boloko ya Carthage; 3, Ebonga ya Profeta ya likolo esakolami; 4–7, Makila mazanga ekweyeli na bango matatoli bosolo mpe bonzambe ya mosala.
Eteni 136
1–16, Lolenge kani molako ya Yisalaele mosengeli kobongisama mpo na mobembo ya westi elimbolami; 17–27, Basantu batindami kotia mibeko ebele ya nsango malamu na misala; 28–33, Basantu basengeli koyemba, kobina, kosambela, mpe koyekola bwania; 34–42, Baprofeta babomami ete bakumisama mpe bato ya nkuna bakweisama.
Eteni 137
1–6, Profeta amoni ndeko na ye ya mobali Alvin kati na bokonzi ya selesitiale; 7–9, Malongi ya lobiko mpo na bakufi ebimisami; 10, Bana mike nyonso babikisami kati na bokonzi ya selesitiale.
Eteni 138
1–10, Mokambi Joseph F. Smith amanyoli makomi ya Petelo mpe bobimeli ya Nkolo na biso na mokili ya molimo; 11–24, Mokambi Smith amoni bakufi ya sembo basangani na paladiso mpe mosala ya Klisto na kati na bango; 25–37, Amoni lolenge nini mosala ya koteya nsango malamu mobongisamaki na kati ya milimo; 38–52, Amoni Adama, Eva, mpe mingi ya baprofeta basantu na mokili ya molimo oyo bamoni ete ezalela na bango ya molimo liboso ya bosekwi na bango ezali lokola boumbu; 53–60, Bakufi ya sembo ya mokolo oyo bazali kokoba misala na bango kati na mokili ya milimo.