Emoniseli epesami epayi ya Profeta Joseph Smith, na Nauvoo, Illinois, na mokolo ya 19, sanza ya yambo ya mobu 1841. Na ntina ya kobakisama ya minyokoli mpe mpo esambiseli ya bakalaki ya leta ezalaki engebene na mibeko te, Basantu basengelaki kolongwa na Missouri. Motindo ya koboma bango nie oyo ebimisamaki na Lilburn W. Boggs, guvenele ya Missouri, na mokolo ya 27, sanza ya zomi ya mobu 1838, etikelaki bango nzela mosusu ya kopona te. Na mobu 1841, ntango emoniseli oyo epesamaki, engumba ya Nauvoo, oyo ezwamaki na esika wapi ezalaki mboka ya kala ya Commerce, Illinois, etongamaki na Basantu, mpe awa etiamaki bifandeli ya Eklezia.