5. Eria blong Misuri, Ilinoa, mo Aeowa long YSA
-
Indipendens Oli putum se hem i senta ples blong Saeon (luk long D&K 57:3). Oli dediketem wan ples blong tempol long 3 Ogis 1831. Oli bin ronemaot olgeta Sent aot long Jakson Kaonti long 1833.
-
Fising Reva Josef Smit mo Saeon Kamp oli travel stat long Ketlan, Ohaeo i go long Misuri long 1834 blong putumbak olgeta Sent blong Jakson Kaonti i gobak long graon blong olgeta. Josef i kasem revelesen we i stap long D&K 105 long saed blong reva ia.
-
Fa Wes Hemia i bin bigfala ples we ol Momon oli bin stap long hem long Misuri. Oli bin dediketem wan ples blong bildim wan tempol long ples ia (luk long D&K 115). Long ples ia, long 8 Julae 1838, Kworom blong Olgeta Twelef Aposol oli kasem wan koling we i kam long Lod blong go long ol misin long ol Aelan blong Briten (luk long D&K 118).
-
Adam-ondi-Aman Lod i bin jusum ples ia long eria we i stap antap long Misuri olsem ples we bigfala kam tugeta bae i tekples long hem taem Jisas Kraes i kam blong mit wetem Adam mo laen blong hem we i stret mo gud (luk long D&K 78:15; 107:53–57; 116).
-
Libeti Kalabus Josef Smit mo ol narawan, oli bin putum olgeta long kalabus long ples ia long wei we i no stret, hemia stat long Disemba 1838 i go kasem Epril 1839. Long medel blong ol trabol taem blong Jos, Josef i prea long Lod blong kasem daereksen mo i kasem revelesen we i stap long D&K 121–123.
-
Nauvu Ples ia i stap long Misisipi Reva mo i bin ples blong ol Sent oli kam tugeta stat long 1839 i go kasem 1846. Oli bin bildim wan tempol long ples ia, mo oli bin mekem ol odinens olsem baptaes blong olgeta dedman, endaomen, mo siling blong ol kapol i bin stat. Long ples ia tu oli bin oganaesem Rilif Sosaeti long yia 1842. Ol revelesen we Josef i bin kasem i gat D&K 124–129.
-
Katej Long ples ia nao oli bin kilimded Profet Josef Smit mo brata blong hem, Haeram, from bilif blong tufala, hemia long 27 June 1844 (luk long D&K 135).
-
Winta Kwota Hem i bin ples we grup blong olgeta Sent we i bigwan moa we oli bin putum haos blong sot taem long wan ples (1846–1848) taem oli bin stap long rod blong olgeta i go long Sol Lek Vale. Oli bin oganaesem Kamp blong Isrel blong oli wokbaot i go long Wes (luk long D&K 136).
-
Kaonsel Blaf (Kenesvil) Oli sastenem Fas Presidensi long ples ia long 27 Disemba 1847 wetem Brigham Yang olsem Presiden.