3. Eria blong Niu Yok, Pensilvania mo Ohaeo long YSA
-
Saot Benbrij Josef Smit Junia mo Ema Hel, tufala i bin mared long ples ia long 18 Jenuware 1827 (luk long JS—H 1:57).
-
Kolesvil Fas branj blong Jos i bin oganaes long haos blong Josef Naet Senia, long Kolesvil Taonsip long 1830.
-
Haos blong Josef Smit Junia long Hamoni Plante wok blong transletem Buk blong Momon i bin finis long ples ia. Oli bin putumbak prishud kolosap long ples ia long 1829 (luk long D&K 13; 128:20; JS—H 1:71–72).
-
Feyet Olgeta Tri Witnes oli bin luk ol buk we oli wokem long gol, mo oli bin luk enjel Moronae long ples ia (D&K 17). Translesen blong Buk blong Momon i bin finis long ples ia long Jun 1829. Jos i bin oganaes long ples ia long 6 Epril 1830 (luk long D&K 20–21).
-
Mendon Fasfala haos blong Brigham Yang mo Hiba J. Kimbol
-
Ketlan Ol misinari we oli bin sendem olgeta i go long Ol Man blong Leman oli bin stop long ples ia long 1830 mo oli bin baptaesem Sidni Rigdon mo ol narawan long eria blong Ketlan. Ples ia i bin hedkwota blong Jos stat long 1831 i go kasem 1838. Fas tempol long dispensesen ia, oli bin bildim long Ketlan mo oli bin dediketem long 27 Maj 1836 (luk long D&K 109).
-
Iri Kanal Olgeta tri branj blong Jos long Niu Yok (Kolesvil, Feyet, mo Manjesta) oli bin aot i go long Ketlan, Ohaeo tru long Iri Kanal mo Iri Lek long Epril mo Mei 1831.
-
Haeram Josef mo Ema, tufala i bin stap long ples ia stat long Septemba 1831 kasem Septemba 1832. Josef mo Sidni Rigdon, tufala i bin wok long Josef Smit Translesen blong Baebol (JST). Ol revelesen we Josef i bin kasem long ples ia oli: D&K 1; 65–71; 73; 76–77; 79–81; 99; 133.
-
Amest Oli bin sastenem Josef Smit olsem Presiden blong Hae Prishud long 25 Jenuware 1832 (luk long D&K 75).
-
Toronto Haos blong John Teila, nambatri Presiden blong Jos, mo Meri Filding Smit, waef blong Haeram Smit.