1 I tru, mi talem long yu, se hem i tingting blong mi se wokman blong mi, Jared Kata, bae i mas go bakegen long ol kantri long Is, long wan ples i go long narafala ples, long wan siti i go long narafala siti, wetem paoa blong odinesen we oli odenem hem long hem, mo talemaot ol gudfala nius blong bigfala glad, we i gospel we i no gat en.

2 Mo bambae mi sendem Spirit blong Givhan long hem, we bae i tijim hem trutok mo rod we bambae hem i mas folem;

3 Mo folem hamas we hem i fetful, bambae mi givim bakegen, antap long hed blong hem, plante bandel kaekae.

4 Taswe, wokman blong mi Jared Kata, hat blong yu i mas glad, mo yu no fraet, Lod blong yu we i Jisas Kraes i talem. Amen.