5. Na iWasewase kei Amerika ko Misuri, Ilinoi, kei Aioa

Inidipenideni Kilai me lomadonu kei Saioni (raica V&V 57:3). A vakatabui ena ika 3 ni Okosita 1831 e dua na vanua me tara kina na valetabu. Era a vakasevi tani mai na Yasayasa vaka-Jekesoni ena 1833 na Yalododonu.

Uciwai ko Fisigi Era a lako mai Katiladi e Oaio, ki Misuri ena 1834 ko Josefa Simici kei na Keba kei Saioni me ra laki vakalesui ira na Yalododonu ni Yasayasa vaka-Jekesoni ki na nodra vanua. A vakatakilai na V&V 105 ena bati ni uciwai oqo.

Fa Wesi Oqo na itikotiko levu duadua ni Momani e Misuri. A vakatabui ena vanua oqo e dua na vanua me tara kina na valetabu (raica na V&V 115). Eke ena ika 8 ni Julai 1838, eratou a ciqoma kina na kuoramu ni Le Tinikarua e dua na kaci mai vua na Turaga me ra laki kaulotu ki Peritania (raica V&V 118).

Atama-onitai-Amani Sa vakaraitaka na Turaga na vanua oqo ena mua-i-cake kei Misuri me vanua ena vakayacori kina e dua na soqoni levu ni sa lako mai ko Jisu Karisito me sikovi Atama kei ira na nona kawa yalododonu (raica V&V 78:15; 107:53–57; 116).

Valeniveivesu e Lipati Eratou a tauri vakavesu tu eke vakatawadodonu ko Josefa Simici kei na so tale mai na Tiseba ni 1838 ki na Epereli ni 1839. Ena loma ni gauna dredre ena Lotu, a masu vua na Turaga ko Josefa ka kerea na veidusimaki, a ciqoma kina na V&V 121–123.

Nauvu Ena kunei ena yasa ni Uciwai na Misisipi, na vanua oqo a nodra vanua ni vakasoqoni vata na Yalododonu mai na 1839 ki na 1846. A tara eke e dua na valetabu, ka tekivutaki kina na veicakacaka vakalotu me vaka na nodra papitaiso na mate, na edaumeni, kei na nodra vauci vata na veiwatini. A tauyavutaki eke ena 1842 na iSoqosoqo ni Veivukei. E okati ena ivakatakila era a ciqomi kina na V&V 124–129.

Kaceji Eke erau a vakamatei kina ena vuku ni nodrau vakabauta na Parofita ko Josefa Simici kei na tuakana ko Airame ena ika 27 ni June 1844 (raica V&V 135).

Winita Kuota Na nodra itikotiko vakawawa levu duadua na Yalododonu (1846–1848) ena nodra ilakolako ki na Bucabuca ni Salt Lake. A tauyavutaki kina na Keba kei Isireli ena ilakolako ki na ra (raica V&V 136).

Kaunisela Balavi (e Kenisivili) A tokoni eke ena ika 27 ni Tiseba 1847 na Mataveiliutaki Taumada, ka Peresitedi ko Biriqemu Yaga.