6. Na iTosotoso ni Lotu ki na Ra
-
Feieti A biuti Feieti me lako ki Katiladi, Oaio na Parofita ko Josefa Simici ena Janueri ni 1831. Era a qai muri yani na lewe ni tolu na tabana e Niu Ioka ena Epereli kei na Me ni 1831 ena nona ivakaro ni vakasoqoni vata na Turaga (raica V&V 37–38).
-
Katiladi Na itikotiko liu ni Lotu a tiko ga mai Katiladi mai na 1831 ki na 1838.
-
Inidipenideni Sa vakatakilai Inidipenideni (ena Yasayasa vaka-Jekesoni e Misuri) na Turaga ni vanua liu kei Saioni ena Julai 1831 (raica V&V 57:3). Era a vakasavi ira tani na Yalododonu mai na Yasayasa vaka-Jekesoni ena Noveba ni 1833.
-
Lipati Era soqoni vata ki na Yasayasa vaka-Kilei na Yalododonu mai Yasayasa vaka-Jekesoni mai na 1833 ki na 1836, ena gauna sa vinakati tale kina me ra sa biuta. Eratou a tauri koto vakavesu vakatawadodonu eke na Parofita ko Josefa Simici kei na lima tale mai na Tiseba ni 1838 ki na Epereli ni 1839.
-
Fa Wesi A tauyavutaki eke e dua na nodra ivakaruru na Yalododonu 1836–1838. A itikotiko liu tu ni Lotu ena 1838. Ena 1838–1839 era a vakasaurarataki na Yalododonu me ra dro ki Ilinoi.
-
Nauvu Na itikotiko liu ni Lotu 1839–1846. Ni oti na nodrau vakamatei ena vuku ni nodrau vakabauta na Parofita kei na tuakana ko Airame, era sa toso ki na ra na Yalododonu.
-
Kaunisela Balavi Era tadu mai ki ke na ivuvu ena June 1846. Era biubiu na lewe ni Mataivalu ni Momani ena ika 21 ni Julai 1846, ena veiliutaki nei Jemesa Eleni.
-
Winita Kuota Na itikotiko vakawawa bibi, 1846–1848. Era sa biubiu ena ilakolako ki na Ra na kabani veimataki ena veiliutaki nei Peresitedi Biriqemu Yaga Epereli 1847.
-
Koronivalu ko Livenioci Sa vakaiyayataki eke na Mataivalu ni Momani ni bera na nodra ilakolako ki na ra ena Okosita 1846.
-
Senita Ve E liutaka na Mataivalu ni Momani ko Filipe Kuki ena nodra lako yani mai ke ena 19 ni Okotova, 1846.
-
Puebolo Era a vakaroti e tolu na ilakolako ni tauvimate mai na Mataivalu ni Momani ki Puebolo me ra laki vakabulabula, era laki tiko mai kea ena vulaibatabata ni 1846–1847 vata kei ira na Yalododonu mai Misisipi. Era qai tokatu yani ki na Bucabuca ni Salt Lake na ilawalawa oqo ena Julai ni 1847.
-
Seni Dieqo Era mai vakacavara eke na Mataivalu ni Momani na nodra tayabe 3,200 na maile ena 29 ni Janueri 1847.
-
Losi Enijilisi Era sa mai vakasukai eke na Mataivalu ni Momani ena 16 ni Julai 1847.
-
Sakaramenito Era a cakacaka eke eso na lewe ni mataivalu era sa vakasukai ka vakakina ena iQaqi nei Suta ena tokalau ena Uciwai na Amerika. Era a tiko kina ena gauna a laurai kina na koula ena Janueri 1848.
-
Salt Lake City iTikotiko liu ni Lotu mai na 1847 ki na gauna oqo. A tadu mai ki na Bucabuca ni Salt Lake ko Biriqemu Yaga ena 24 ni Julai 1847.