O le Solo atu i Sisifo o le Ekalesia

O Feiete Sa tuua Feiete e le Perofeta o Iosefa Samita e malaga atu i Katelani, Ohaio ia Ianuari 1831. O paranesi e tolu mai Niu Ioka sa mulimuli atu ia Aperila ma Me 1831 i lalo o le poloaiga a le Alii ina ia faapotopoto (tagai MF&F 37; 38).

O Katelani O le laumua o le Ekalesia mai le aso 1 o Fepuari 1831 sei oo i le aso 12 o Ianuari 1838, ina ua siitia atu le Perofeta ia Fa Uesi, Misuri.

Initipene Sa faailoa mai e le Alii o Initipene (i le Itumalo o Siakisone, Misuri) o le nofoaga ogatotonu o Siona ia Iulai 1831 (tagai i le MF&F 57:3). O au o tagata leaga sa tuli faamalosi le Au Paia i fafo o le Itumalo o Siakisone ia Novema 1833.

O Lipereti O tagata o le Au Paia mai le Itumalo o Siakisone sa faapotopoto i le Itumalo o Kalei mai le 1833 i le 1836, ina ua toe manaomia ona latou o ese. Sa falepuipui le Perofeta o Iosefa Samita ma isi iinei.

O Fa Uesi Sa faatulagaina se solaaga iinei mo le Au Paia 1836–1838. Sa avea ma laumua o le Ekalesia i le 1838. I le 1838–1839 sa faamalosia le sosola ese o le Au Paia i Ilinoi.

O Navu O le laumua o le Ekalesia 1839–1846. Ina ua mavae le faamaturoina o le Perofeta ma lona uso o Ailama, sa siitia atu i sisifo le Au Paia.

O Konesila Palafu Sa taunuu atu le au paionia iinei ia Iuni 1846. O tagata o le Autau Mamona sa tuua lenei nofoaga i le aso 21 o Iulai 1846 i lalo o le taitaiga o Iakopo Aleni.

Uinita Kuata O le laumua o le Ekalesia 1846–1848. O le vaega muamua i lalo o le taitaiga o Peresitene Brigham Young sa tuua lenei nofoaga e o atu i Sisifo ia Aperila 1847.

O le Olo o Leviniuota Sa faaauupegaina le Autau Mamona ae lei amata le savaliga i sisifo ia Aokuso 1846.

O Sane Fe Sa taitaiina e Filipo Kuki le Autau Mamona a o savavali mai lenei nofoaga 19 Oketopa 1846.

O Puepelo Sa faatonuina ni vaega e tolu o fitafita mamaʼi e o atu i Puepelo ina ia malolo ai, o lea nofoaga sa latou nonofo ai i le tau malulu o le 1846–1847 faatasi ma tagata o le Au Paia mai Misisipi. O nei au malaga sa taunuu atu i le Vanu o Sate Leki ia Iulai 1847.

O Sane Tieko Sa faaiuina iinei e le Autau Mamona la latou savaliga e 3,000-kilomita i le aso 29 o Ianuari 1847.

O Losi Anahele Sa faamalolo iinei le Autau Mamona i le aso 16 o Iulai 1847.

O Sakalameto O ni isi o le autua faatoa faamaloloina sa faigaluega iinei ma le Fale o Sata e olo ai meaʼai i sasaʼe atu teisi i le Vaitafe o Amerika, o lea mea sa latou fesoasoani i le mauaina o auro.

O le Aai o Sate Leki Sa taunuu atu Brigham Young i le Vanu o Sate Leki i le aso 24 o Iulai 1847.