O Le Faasologa o mea na Tutupu i le Talafaasolopito o le Ekalesia

Sa fanau Iosefa Samita (1805–1844) ia Iosefa Samita Matua ma Lusi Maki Samita, Sarona, Veremota (tagai i le IS—T 1:3).

Sa maua e le Perofeta o Iosefa Samita le Uluai Faaaliga Vaaia i se togalaau i le itumalo o Palamaira ma Manaseta, Niu Ioka, e latalata ane i lona fale (tagai i le IS—T 1:15–17).

Sa asia Iosefa Samita e le agelu o Moronae ma sa taʼua ia te ia e uiga i le talafaamaumau o le Tusi a Mamona. Sa vaai Iosefa i papatusi auro sa tanu i se maupuepue latalata ane (Kumora) (tagai i le IS—T 1:27–54).

Sa maua e Iosefa Samita papatusi auro mai ia Moronae i le Maupuepue o Kumora (tagai i le IS—T 1:59).

O Ioane le Papatiso sa faaee ane le Perisitua Arona i luga o Iosefa Samita ma Oliva Kaotui i Haramoni, Penisilevania (tagai i le MF&F 13; IS—T 1:71–72).

Sa maua e Iosefa Samita ma Oliva Kaotui le Perisitua Mekisateko mai ia Peteru, Iakopo, ma Ioane latalata ane i le Vaitafe o Susikuana i le va o Haramoni, Penisilevania ma Kolesavile, Niu Ioka (tagai i le MF&F 128:20).

Sa faaiu le faaliliuga o le Tusi a Mamona. Sa faaalia papatusi auro i le Au Molimau e Toatolu ma le Au Molimau e Toavalu (tagai i le 2 Ni. 11:3; 27:12–13; MF&F 17).

Ua saunia uluaʼi kopi o le Tusi a Mamona sa lomia, Palamaira, Niu Ioka.

Sa faatulagaina le Ekalesia i le Itumalo o Feiete, Niu Ioka.

Sa valaauina uluaʼi faifeau talai e talai atu i Sa Lamanā (O Apoliki Amerika) (tagai i le MF&F 28; 30; 32).

Sa poloaiina le Au Paia e faapotopoto i Ohaio (tagai i le MF&F 37; 38:31–32).

O le tulaga mo le aai o Siona (le Ierusalema Fou) i Initepene, Misuri sa faaalia i le Perofeta o Iosefa Samita (tagai i le MF&F 57; MFF 1:10).

O Sini Rikitone ma Feterika G. Viliamu sa faauuina o ni Fesoasoani i le Au Peresitene o le Ekalesia (tagai i le ulutala o MF&F 81) ma sa tuuina atu i ai ki o lenei malo mulimuli (tagai i le ulutala o MF&F 90; fuaiupu 6).

Sa amata ona sosola ese le Au Paia mai au o tagata leaga i le Itumalo o Siakisone, Misuri ma o atu i le isi itu o le Vaitafe o Misuri ma le Itumalo o Kalei.

Sa tuua e le Perofeta o Iosefa Samita Katelani, Ohaio, e malaga atu i Misuri o le taitai o le Togalauapi a Siona ina ia aumai le fesoasoani i le Au Paia sa tulieseina mai le Itumalo o Siakisone.

Sa faatulagaina le Korama o le Au Aposetolo e Toasefululua (tagai i le MF&F 107:23–24).

Sa amataina le faatulagaina o le Korama Muamua o le Au Fitugafulu, Katelani, Ohaio.

Sa talia le Mataupu Faavae ma Feagaiga o se tusi faavae o le Ekalesia, Katelani, Ohaio.

Sa faapaiaina le Malumalu o Katelani (tagai MF&F 109).

Sa afio mai Iesu Keriso ia Iosefa Samita ma Oliva Kaotui i le Malumalu i Katelani. O Mose, Elaia, ma Elia sa faaali mai ma tuu atu ki o le perisitua (tagai i le MF&F 110).

Sa taunuu atu Heber C. Kimball ma isi e toaono i Livapule, Egelani, i le misiona muamua o le Ekalesia i le isi itu o le vasa.

Sa faailoa le igoa o le Ekalesia i le faaaliga (tagai i le MF&F 115:4).

Sa ave faapagotaina le Perofeta o Iosefa Samita ma isi i le Falepuipui o Lipereti, Lipereti, Itumalo o Kalei, Misuri (tagai i le MF&F 121–123).

Sa folafola faalauaitele ai papatisoga mo e ua maliliu e le Perofeta o Iosefa Samita.

O le Elder o Orson Hyde sa faapaiaina le Laueleele Paia mo le toe foi atu o le fanau o Aperaamo (tagai i le MF&F 68:1–3; 124:128–129).

O le Au Alofa o Tamaitai sa faatulagaina, Navu, Ilinoi.

O uluai faaeega paia atoa o le malumalu sa tuuina atu.

O Iosefa Samita ma Ailama Samita sa faamaturoina i le Falepuipui i Karefasi (tagai MF&F 135).

Sa amata e le Au Paia o Navu ona sopoia le Vaitafe o Misisipi ina ia agaʼi atu i sisifo. O ni isi o le Au Paia i sasaʼe sa folau atu mai le Aai o Niu Ioka e o atu i Kalefonia i le vaa o Parukilini.

Sa valaauina le Autau Mamona i auaunaga o le Iunaite Setete i Aioua.

O le au paionia a Peresitene Brigham Young sa tuua le Apitaga Taumalulu i le malaga i sisifo (tagai i le MF&F 136).

Sa ulu atu Peresitene Brigham Young i le Vanu o Sate Leki.

Sa talisapaia Peresitene Brigham Young, Elder Heber C. Kimball, ma Elder Willard Richards i le konofesi aoao a le Ekalesia e avea ma le Au Peresitene Sili.

O sē akerise i le Vanu o Sate Leki sa faatamaʼia mea toto. Sa faasaoina faatoaga mai le faatamaʼia atoa ina ua aia e lafu gogo sē akerise.

Sa faatulagaina le Aoga Sa e Richard Ballantyne.

Sa amata ona lomia le Deseret News [Talafou o Tesareta] i le Aai o Sate Leki.

O au taavale tosolima a Uili ma Matini sa taofia ona o uluaʼi afā kiona. Sa maua i latou e le au saili mai le Vanu o Sate Leki.

Sa toe faatulagaina le Aualofa i lalo o le taitaiga o Peresitene Brigham Young.

Sa faatulagaina le Sosaiete Tulelei o Tamaitai Talavou, sa muamua i le polokalame o Tamaitai Talavou.

Sa faatulagaina le Sosaiete Faalelei Atili o Alii Talavou, sa muamua i le polokalame o Alii Talavou.

Sa faapaiaina le Malumalu o Sane Siaosi. Sa maua e Peresitene Brigham Young le faaaliga e faatulaga le faatulagaga faaperisitua ma siteki o Siona.

Sa taitaia e Aurelia Sipenesa Rota le uluai fonotaga a le Peraimeri i Faminitone, Iuta.

Sa lagolagoina Ioane Taylor e avea ma le Perisitene o le Ekalesia. O le Penina Tau Tele sa talia o se tusi faavae.

Sa maua e Peresitene Ioane Taylor le faaaliga e uiga i le faatulagagaina o le Au Fitugafulu.

Sa lagolagoina Wilford Woodruff e avea ma le Peresitene o le Ekalesia.

Sa lagolagoina le “Manifeso” i le konafesi aoao, sa folafola atu le faaiuga o le faiga o ava e toatele (tagai i le FA—1).

O Peresitene Wilford Woodruff sa faapaiaina le Malumalu o Sate Leki, sa 40 tausaga o fausia.

O Lorenzo Snow sa avea ma Peresitene o le Ekalesia.

O Peresitene Lorenzo Snow sa maua le faaaliga i Sane Siaosi le sa uunaiina ai o ia e faamamafa le sefuluai (tagai i le MF&F 119).

O Iosefa F. Samita sa avea ma Peresitene o le Ekalesia.

O Peresitene Iosefa F. Samita sa maua le faaaliga vaaia o le faaolaina o e ua maliliu (tagai i le MF&F 138).

O Heber J. Grant sa avea ma Peresitene o le Ekalesia.

Sa amataina le Polokalama Sikulaki o le Ekalesia e fesoasoani i e matitiva i le Paʼū Faigata Tele; sa avea ma polokalama uelefea o le Ekalesia. Sa tupu ae lenei polokalama mai le faaaliga sa maua muamua e Peresitene Heber J. Grant.

O Fesoasoani i le Toasefululua lea sa muamua ona valaauina.

O Siaosi Alapati Samita sa avea ma Peresitene o le Ekalesia.

O Tavita O. Makei sa lagolagoina e avea ma le Peresitene o le Ekalesia.

O Elder Harold B. Lee, i lalo o le taitaiga o le Au Peresitene Sili, sa folafola atu e faamaopoopoina polokalama uma a le Ekalesia e ala i le perisitua e faamalosia ai aiga ma tagata taitoatasi.

Sa toe faamamafaina le tausia o le afiafi faaleaiga.

O Iosefa Fielding Samita sa avea ma Peresitene o le Ekalesia.

O mekasini fou o le Ekalesia—O le Ensign, New Era, ma le Uo—sa amata ona lomia.

O Harold B. Lee sa avea ma Peresitene o le Ekalesia.

O Spencer W. Kimball sa avea ma Peresitene o le Ekalesia.

O Peresitene Spencer W. Kimball sa folafola le toe faatulagaina o le Korama Muamua o Fitugafulu.

O faaaliga e lua sa faaopoopoina i le Penina Tau Tele. I le 1981, sa siitia e avea ma MF&F 137 ma le 138.

Sa lagolagoina e le Ekalesia le faaaliga lea sa tuu atu ai le perisitua i alii agavaa uma o le Ekalesia e aunoa ma le faailoga tagata po le lanu (tagai i le FA—2).

O le lomiga (o le Au Paia o Aso e Gata Ai) o le Tusi Paia a le Tupu o Iakopo sa lomia faatasi ma fesoasoani mo suesuega.

O lomiga fou o le Tusi a Mamona, Mataupu Faavae ma Feagaiga, ma le Penina Tau Tele sa lomia i le gagana Igilisi.

Sa amataina Au Peresitene o Eria, sa valaauina alii mai le Au Fitugafulu.

O Ezra Taft Benson sa avea ma Peresitene o le Ekalesia.

O le Korama Lona Lua o Fitugafulu sa toe faatulagaina.

O Hauate U. Hanate sa avea ma Peresitene o le Ekalesia.

O Koki P. Hinikili sa avea ma Peresitene o le Ekalesia.

O le tulaga o le sui faalerisone sa taofia. Sa folafola le tulaga taitai fou sa taʼua o le Pule Eria.

“O le Aiga: O Se Folafolaga i le Lalolagi” mai le Au Peresitene Sili ma le Au Fono o Aposetolo e Toasefululua sa faasalalauina.

O Pule Eria sa faauuina e avea ma Fitugafulu. O Korama Lona Tolu, Lona Fa, ma Lona Lima o Fitugafulu sa folafolaina.

Peresitene Hinikili sa folafolaina le fausia o malumalu laitiiti.

O le aofai o tagata o le Ekalesia sa oo i le 10 miliona.

O Peresitene Hinikili sa folafola atu le sini o le iai o malumalu faaaogaina e 100 pe a oo i le tausaga 2000.