12. Falepuipui o Lipereti

O le falepuipui laitiiti i Lipereti, Misuri. O Iosefa Samita ma isi e toalima sa taofia faapagota i totonu o ona puipui e 1.2 mita (fa-futu) le mafiafia mai le aso 1 o Tesema 1838 seia oo i le aso 6 Aperila 1839. (Sa tatalaina Sini Rikitone i le faaiuga o Fepuari.) Sa taofia i latou i le fogafale i lalo po o le vaega o le lua o le fale, sa momoe i latou i luga o le fola maa malulu toe pae i au o saito e aunoa ma se malamalama e tele faapea foi le le malu o puipuiga mai le tau malulu tele.

O le Mea Taua sa Tupu: Sa maua e le Perofeta o Iosefa Samita, a o aioi atu mo tagata e afe ma afe o le Au Paia o e sa tuliesea mai Misuri, se tali i lana tatalo, lea sa ia tusia i le tusi i le Au Paia faaaunuuaina (MF&F 121–123).