3. O le Fale ogalaau o Iosefa Samita Matua

O le faatusa o le fale o Iosefa Samita Matua, ua fausia i le tulaga o le uluai fale ogalaau e latalata i Palamaira, Niu Ioka. O le aiga o Samita sa fausia le uluai fale ogalaau sa gaosi i toʼi ma o se fogafale e tasi ma le afa e lei leva ona latou taunuu atu i Palamaira.

O Mea Taua sa Tutupu: O le Perofeta o Iosefa Samita sa suesue i le Tusi Paia i lenei fale ina o tauivi o ia e iloa po o le a le ekalesia ua saʼo (IS—T 1:11–13). Sa faaalia Moronae ia Iosefa ma taʼu ia te ia e uiga i papatusi o le Tusi a Mamona (IS—T 1:30–47).