7. O le Faleʼoloa o Newel K. Whitney ma Kamupani

Sa aafia lenei faleʼoloa i se vaega taua i le talafaasolopito o le Ekalesia i Katelani. Sa nonofo ai Iosefa ma Emma Samita i se vaitau puupuu. Sa avea ma laumua o le Ekalesia i 1832. O faaaliga taua e tele sa maua iinei. O le Aʼoga o Perofeta sa faia i le faleʼoloa mai le aso 24 o Ianuari seia oo i se aso o Aperila 1833.

O Mea Taua sa Tutupu: Sa maua e le Perofeta o Iosefa Samita le faaaliga e uiga i le Upu o le Poto (MF&F 89). Sa ia faia le vaega tele o le galuega o le faaliliuga o le Tusi Paia iinei.