13. Auti ni Maeka i Nauvoo

Iotebwa Timiti te Ataei ao ana utu a mwaing nakon te Auti ni Maeka i Nauvoo n Aokati 1843. I mwina e kateaki reitana nakon iteran te kateitei are mai mainiku ibukin mwaitin te ruu ae 22. Ni moa man Tianuare 1844, Ebenezer Robinson e kawaka te auti bwa te auti ni irua, ao te Burabeti e taui onoua ruuna ibukin ana utu. Te auti e riki bwa kanga boton te tabo ni bobotaki irouia te botanaomata i Nauvoo. Aomata aika kakannato a butimwaeaki ikai iroun te Burabeti.

Bwaai aika Riki aika Kakawaki: N Tuun 27, 1844, te Burabeti ae Iotebwa ao tarina ae Hyrum a katiaki ao a mate i Carthage, Illinois, ao rabwataia a uotaki nakon te auti aei bwa a na wene ni matenaki iai i mwain te taunimate. A taunaki n aia tabo n ruanimate ae uarereke te utu n te mwakoro n aba are kaitara ma Main Street, i maeaon te auti te kai ae e a mane are e maeka iai Iotebwa ngke e moan roko i Nauvoo. Emma Timiti e maeka n te Auti ni Maeka ni karokoa 1871. I mwina e mwaing nakon te Nauvoo Auti, ike e mate iai n te 1879.